Suraxanı rayonunda silsilə tədbirlər davam edir - ÖZƏL

Suraxanı rayonunda növbəti dəfə 250 aztəminatlı ailəyə ərzaq məhsullarından ibarət yardımlar paylandı

Azərbaycan Respublikası Nazirlər Kabineti yanında Operativ Qərargahın qərarlarına uyğun olaraq, Suraxanı rayonunda koronavirus (COVID-19) pandemiyasına qarşı mübarizə çərçivəsində sanitar-profilaktik işlər davam etdirilir, infeksiyasının yayılmasının qarşısının alınması və sosial təcridin gücləndirilməsi məqsədilə xüsusi karantin rejiminin tələblərinin yerinə yetirilməsinə nəzarət, eləcə də fərdi izahetmə-xəbərdarlıq işinin aparılması mütəmadi həyata keçirilir.
Eyni zamanda, xüsusi karantin rejiminin tətbiq olunduğu dövrdə rayonda xüsusi diqqət və qayğıya ehtiyacı olan ahıl, tənha şəxslərə, aztəminatlı ailələrə maddi və mənəvi dəstək göstərilməsi istiqamətində sosial aksiya davam etdirilir. Növbəti dəfə 250 belə ailə ziyarət edilərək onlara ərzaq məhsullarından ibarət sovqatlar paylanmışdır. Eləcə də pandemiya ilə mübarizədə həyata keçirilən tədbirlər, şəxsi gigiyena qaydaları, sosial təcridolmanın vacibliyi barədə ətraflı məlumat verilmişdir. Vətəndaşlara özlərinin və ailə üzvlərinin sağlamlığı naminə dövlətin müəyyən etdiyi sosial izolyasiya tələblərinə ciddi əməl etmələri tövsiyə olunmuşdur.
Suraxanı rayon sakinləri göstərilən diqqət və qayğıya, atılan xeyirxah addıma görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya xüsusi minnətdarlığını bildirmişdir.

Suraxanı rayonunda asfaltlanma işləri davam etdirilərək rayonun yolları sürətlə abadlaşır

Suraxanı rayonunda asfaltlanma işləri davam etdirilərək rayonun yolları sürətlə abadlaşır. Hazırda Hövsan qəsəbəsi, Məktəbli küçəsində 690 metr uzunluğunda (4 140 kv.metr) yollarda asfalt örtüyü vurulur.

Suraxanı rayonunda qayğıya ehtiyacı olan aztəminatlı ailələrə növbəti dəfə köməklik göstərildi

Xüsusi karantin rejimi müddətində Suraxanı rayonunda xüsusi diqqət və qayğıya ehtiyacı olan ahıl, tənha şəxslərə, aztəminatlı ailələrə maddi və mənəvi dəstək göstərilməsi istiqamətində işlər davam etdirilir. 15 aprel 2020-ci il tarixində növbəti 100 ailə ziyarət edilərək onlara ərzaq məhsullarından ibarət yardımlar paylanmış, maarifləndirici söhbətlər aparılmışdır.