SON DƏQİQƏ! - Türkiyədən aviazərbələr: Əsədin iki generalı məhv edildi

Türkiyə Silahlı Qüvvələri hərbçilərinin atəşə tutulmasına cavab olaraq İdlibdə Suriya ordusunun mövqelərinə zərbələri bərpa edib.
Suriya ordusu mühüm itkilər verib.

Qeyd olunur ki, Türkiyə Milli Müdafiə Nazirliyi daha bir türk hərbçisinin həlak olması və iki nəfərin yaralandığını bildirib.

Türkiyənin pilotsuz uçan aparatlarının (PUA) aviazərbələri nəticəsində isə Bəşər Əsədə yaxınlığı ilə seçilən general Burxan Rəhman məhv edilib, Virtualaz.org məlumat verir. 
Aviazərbələr nəticəsində məhv edilənlər arasında daha bir general-İsmayıl Əli və polkovnik Mazen Fervati də yer alıb.

Öldürülən hər üç şəxsin Əsəd ordusunda mühüm yer tutduğu bildirilir.

Xatırladaq ki, bir neçə gün İdlibdə Türkiyə qoşunlarının mövqelərinə zərbələr nəticəsində 33 hərbçi həlak olmuşdu.