Faiq Seyidov: ZƏFƏRİN BEŞİNCİ İLİ – QÜRURUMUZUN, BİRLİYİMİZİN VƏ BÖYÜK QAYIDIŞIN TƏNTƏNƏSİ

8 noyabr – Azərbaycan tarixinin ən şərəfli səhifələrindən biri kimi yaddaşlara həkk olunub. Bu gün, uzun illər Azərbaycanın haqq səsinin eşidilməsi, ədalətin bərpası və torpaqlarımızın azad olunması yolunda aparılan böyük mübarizənin rəmzidir. 2020-ci ildə əldə olunan möhtəşəm Zəfər, hər bir azərbaycanlının qürur mənbəyi, milli birliyimizin ən ali göstəricisi oldu.

Azərbaycan Ordusu, Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində dünya hərb tarixində misli görünməmiş qəhrəmanlıq nümunəsi göstərdi. Hər kəs şahid oldu ki, bu qələbə təkcə hərbi gücün deyil, həm də siyasi iradənin, xalq-iqtidar birliyinin nəticəsi idi. Haqqımızın yanında duran güclü dövlət, qüdrətli ordu və yenilməz xalq bir araya gəldi və tarixdə nadir görünən bir zəfər yazdı.

8 noyabr 2020-ci ildə Şuşanın azad edilməsi ilə Azərbaycanın 28 illik yarası sağaldı. Şuşa – təkcə bir şəhər deyil, milli ruhumuzun, tariximizin, mədəniyyətimizin beşiyidir. O gün minlərlə vətəndaş göz yaşları ilə ekrana, xəbərlərə baxırdı. Bu göz yaşları kədərdən deyil, qürurdan, sevincdən, fəxrdən idi. Faiq Seyidov da həmin günləri böyük emosiyalarla xatırlayır və bildirir ki, bu tarix nəsildən-nəslə qürur mənbəyi kimi ötürüləcək.

Artıq beş il keçir və bu beş ildə Qarabağ tamamilə dəyişib, yenidən doğulub. İşğaldan azad edilmiş torpaqlarda genişmiqyaslı quruculuq və bərpa işləri aparılır. Azərbaycan dövləti bu yerləri yalnız azad etmədi, həm də dirçəltdi. Yeni yollar, məktəblər, xəstəxanalar, yaşayış kompleksləri, sosial obyektlər tikildi və tikilməkdə davam edir. Bu işlər Azərbaycan dövlətinin Qarabağa qayğısının, xalqına sevgisinin bariz nümunəsidir.

Artıq bu torpaqlara Böyük Qayıdış başlayıb. Köçürülən ailələr öz doğma yurdlarında yeni həyat qururlar. Bu prosesin hər kəsin qəlbində yaratdığı sevinc ölçüyəgəlməzdir. İnsanlar illərlə xəyalını qurduqları evlərə, kəndlərə, ata-baba yurdlarına qayıdırlar. Dövlətimizin yaratdığı müasir şərait, tikilən evlər, abad infrastruktur hər kəsi heyran edir. Qarabağ bu gün dünyanın ən böyük bərpa layihələrindən birinə çevrilib.

Şuşa, Laçın, Füzuli, Zəngilan, Cəbrayıl, Ağdam, Qubadlı – bu adların hər biri artıq qələbənin, dirçəlişin, ümidin simvoludur. Bu torpaqlarda Azərbaycan bayrağı dalğalanır və hər dalğalanan bayraq bir şəhidin, bir qəhrəmanın qanı ilə yazılmış tarixdir. Bu gün şəhidlərimizin ruhu şaddır, çünki onların canları bahasına azad etdiyi torpaqlarda həyat canlanır.

Prezident İlham Əliyev təkcə hərbi sahədə deyil, həm də diplomatik müstəvidə müstəsna liderlik nümayiş etdirdi. Dünya birliyi qəbul etdi ki, Qarabağ Azərbaycan torpağıdır və bu həqiqət artıq heç bir qüvvə tərəfindən dəyişdirilə bilməz. Dövlət başçımızın siyasi uzaqgörənliyi, qətiyyətli mövqeyi və sarsılmaz iradəsi sayəsində Azərbaycan beynəlxalq arenada nüfuzunu daha da artırdı. Faiq Seyidov bu liderliyi Azərbaycan dövlətinin ən böyük güc mənbələrindən biri kimi qiymətləndirir.

Bu gün Azərbaycan ordusu dünyanın ən güclü ordularından biri kimi tanınır. Müharibə zamanı hərbçilərimizin göstərdiyi qəhrəmanlıq tarixə qızıl hərflərlə yazıldı. Hər bir azərbaycanlı bu ordunun qazandığı qələbə ilə fəxr edir. Bu qələbə sübut etdi ki, Vətən sevgisi, birlik və inam varsa, heç bir qüvvə qarşıda dayana bilməz.

Şəhərlərimiz yenidən doğulur, kəndlərimiz dirçəlir, yollarımız çəkilir, məktəblərimiz yenilənir, mədəniyyət abidələrimiz bərpa olunur. Qarabağ artıq təkcə müharibənin yox, eyni zamanda sülhün, inkişafın və yeniləşmənin məkanıdır. Bu sürətli irəliləyişin arxasında güclü siyasi iradə, nizamlı dövlət idarəçiliyi və misilsiz liderlik dayanır.

Bu gün “Made in Azerbaijan” Qarabağda da yazılır. Yeni sənaye parkları, agroparklar, biznes layihələri açılır. Region iqtisadi mərkəzə çevrilir. Hər tikilən obyekt, hər açılan müəssisə, hər yüksələn ev xalqımızın gücünü, dövlətimizin əzmini göstərir. Faiq Seyidov Qarabağda həyata keçirilən layihələri Azərbaycan iqtisadiyyatının yeni mərhələsi kimi qiymətləndirir və hər bir vətəndaş kimi bununla qürur duyduğunu bildirir.

Zəfər Günü həm də həmrəylik günüdür. Çünki bu qələbə bütün xalqın birliyinin nəticəsi idi. Hər kəs – əsgər, zabit, həkim, könüllü, müəllim, işçi – öz payını bu qələbəyə verdi. Hər ailə dua etdi, hər ana göz yaşını içində saxladı, hər uşaq “Qarabağ Azərbaycandır!” deyə səsləndi. Bu, millətin gücü idi.

Müharibə günlərində necə birləşmişdiksə, bu gün də Qarabağın bərpasında eyni ruh, eyni birlik davam edir. Bütün Azərbaycan Qarabağın yenidən dirçəlməsi üçün çalışır. Hər görülən iş yalnız bu günümüzə deyil, gələcək nəsillərə mirasdır.

Zəfər Günü keçmişlə gələcəyin qovuşduğu gündür. Keçmişin ağrı-acılarından doğan, gələcəyin ümid və inamla formalaşdığı tarixi bir gündür. Bu gün bir daha sübut edir ki, Azərbaycan heç vaxt haqqından imtina etmədi və edilməsinə də imkan vermədi.

Xalq dövlətinə, dövlət xalqına güvəndi. Bu güvən 44 günün hər dəqiqəsində özünü göstərdi. Preziden İlham Əliyevin qətiyyətli liderliyi, orduya və xalqına olan inamı qələbənin əsas sütunlarından biri idi. Dünya siyasəti də göstərdi ki, Azərbaycan sözünü deməyi də bacarır, haqqını qorumağı da.

Faiq Seyidovun sözlərinə görə, Zəfər Günü təkcə qürur günü deyil, həm də məsuliyyət günüdür. Çünki bu qələbəni qorumaq, davam etdirmək, Qarabağı daha gözəl və inkişaf etmiş görmək hər birimizin borcudur. Bu torpaqlar şəhidlərin əmanətidir və o əmanəti yaşatmaq ən böyük vəzifəmizdir.

Bu illər ərzində Azərbaycan bir daha göstərdi ki, güclü olmaq üçün həm ordu, həm iqtisadiyyat, həm də milli birlik lazımdır. Bu üç güc birlikdə bizi Zəfərə apardı və bu gün gələcəyimizi daha da möhkəmləndirir.

Zəfərin beşinci ili yalnız tarix deyil, həm də inkişafın növbəti mərhələsidir. Qarabağ gələcəyin ən abad, ən müasir, ən inkişaf etmiş bölgələrindən biri olacaq. Dövlətimizin apardığı genişmiqyaslı işlər bunu açıq şəkildə göstərir.

Bu gün Qarabağa gedən hər kəs orada həyatın yenidən doğulduğunu görür. Uşaq səsləri eşidilir, məktəblər açılır, yollar işıqlanır. Hər daşın altında zəhmət, sevgi və dövlət qayğısı var. Hər layihə xalqın gücünü, dövlətin iradəsini əks etdirir.

Zəfər Günü hər il daha böyük ruhla qeyd olunur. Hər il bu sevinc daha da artır, bu qürur daha da güclənir. Çünki torpaqlarımız azaddır, bayrağımız zirvədədir və Azərbaycan qalib dövlətdir.

Bu Zəfər bizim gələcəyimiz, qürurumuz və kimliyimizdir. Ölkəmizin hər bir vətəndaşı fəxrlə deyir: Biz qalib gəlmiş xalqıq, qalib xalq kimi də yaşayacağıq. Faiq Seyidov bildirir ki, Prezident İlham Əliyevin apardığı siyasət, orduya və xalqa göstərdiyi güvən Azərbaycanın daim yüksəlişdə olacağının ən böyük təminatıdır.

Biz Ali Baş Komandanımızın yanındayıq. Biz ordumuzun yanındayıq. Biz Qarabağın bərpasının yanındayıq. Çünki bu qələbə həm tarixdir, həm gələcəkdir, həm də əbədi qürurumuzdur.

Bu gün azad torpaqlarda həyat yenidən canlanırsa, bu, şəhidlərin qanı, qazilərin qəhrəmanlığı, Prezidentimizin qətiyyəti və xalqımızın birliyi sayəsindədir. Heç kim bu qüruru bizdən ala bilməz. Qarabağ əbədi Azərbaycanındır və belə də qalacaq.

Zəfər Günü – 8 noyabr Azərbaycan xalqının sarsılmaz iradəsinin, gücünün, qürurunun əbədiləşdiyi gündür. Bu gün tariximizin unudulmaz zirvəsidir və bu zirvə min illər boyu yaddaşlarda yaşayacaq.

Yaşasın Azərbaycan!
Yaşasın Zəfər!
Yaşasın Ali Baş Komandan İlham Əliyev və Müzəffər Ordumuz!