Mübariz Paşayev: “Xarıbülbül” festivalı Azərbaycan mədəniyyətinin dünyada tanınmasına töhfədir
- 24.05.2021, 11:11,
- Cəmiyyət
- Baxılıb: 406
Facebook
Вконтакте
Одноклассники
Google+
Mübariz Paşayev hər zaman dövlətə - dövlətçiliyə , xalqa -millətə , Ulu Öndərin ideyalarına və onun siyasi kursuna sədaqətlə xidmət etmişdir.
10 saylı yol istismar mmc-nin direktoru Mübariz Paşayev - Prezident İlham Əliyevin tapşırığına uyğun olaraq Heydər Əliyev Fondunun təşkil etdiyi möhtəşəm “Xarıbülbül” musiqi festivalının keçirilməsi Qarabağın tarixi simasının, Şuşanın mədəniyyət mərkəzi statusunun bərpasını təcəssüm etdirir. Şuşa Azərbaycanın 44 günlük rəşadətli qələbəsinin mənəvi simvoludur. Şuşanın mədəniyyət paytaxtı elan olunması Azərbaycan tarixinə, xüsusilə Qarabağa bağlı bütün həqiqətlərə işıq salır. İişğaldan azad olunan və mədəniyyətimizin paytaxtı elan edilən Şuşada keçirilən “Xarıbülbül” festivalı Azərbaycan mədəniyyətinin dünyada tanıdılması ilə yanaşı, gənc nəslin mədəniyyətimizi yaxından dərk etməsinə yardım edəcəkdir. Füsunkar gözəlliyi ilə seçilən “Cıdır düzü”ndə 1992-ci ilədək hər il may ayında “Xarıbülbül” mahnı festivalı keçirilirdi. Zamanında bu festival əhəmiyyətinə, səviyyəsinə, rəngarəngliyinə görə nəinki Azərbaycanda, bütün keçmiş sovet məkanında, hətta dünya miqyasında belə ən sanballı mədəniyyət tədbirlərindən biri sayılırdı. Artıq Şuşada yeni həyat başlayır. Əminliklə vurğulamaq istərdik ki, Qarabağın tacı olan bu şəhər çox qısa zamanda öz tarixi gözəlliyinə qovuşacaq. Mədəniyyət və incəsənət xadimləri bu festivalda toplaşacaqlar. Bir sözlə, Vaqif poeziya günlərinin, “Xarıbülbül” festivalının bərpa olunması, Şuşada muğam müsabiqələrinin və festivallarının keçirilməsi ölkənin mədəni həyatında vacib hadisələr olacaqdır.
Ölkə Prezidenti cənab İlham Əliyev qeyd edib ki, illərlə davam etmiş münaqişə öz hərbi-siyasi həllini tapdı. Noyabrın 9-dan 10-na keçən gecə Azərbaycan və Rusiya prezidentləri, Ermənistanın baş naziri Bəyanat imzalayıblar. Bu Bəyanat əsasında bizim digər rayonlarımız artıq siyasi yollarla Azərbaycana qaytarıldı. Biz Azərbaycanın beynəlxalq səviyyədə tanınan ərazisini bərpa etmişik. Azərbaycan ordusu kifayət qədər güclüdür, konkret olaraq BMT-nin Təhlükəsizlik Şurasının qəbul etdiyi qətnamələrin icrasını təkbaşına həyata keçirib. Bundan sonra da ordumuzu gücləndirir, onu ən müasir silahlarla təchiz edirik. Azərbaycan gənclərinin döyüş və vətənpərvərlik ruhu çox yüksəkdir. Onlar Vətən Müharibəsində böyük şücaət nümayiş etdirmişlər. Bütün Azərbaycan xalqı, milli mənsubiyyətindən asılı olmayaraq, bütün övladlarımız bir yumruq kimi birləşərək düşməni məğlub edib, torpaqlarımızı işğaldan azad ediblər. Bu isə böyük tarixi hadisədir, Azərbaycan tarixində buna bənzər parlaq qələbə olmamışdır. Dövlətimiz bütün dünyaya öz gücünü, nəyə qabil olduğunu nümayiş etdirmişdir. Artıq tam əminliklə deyə bilərik ki, Dağlıq Qarabağ məsələsi, Dağlıq Qarabağ münaqişəsi öz həllini tapmışdır. Dağlıq Qarabağ adında hazırda hər hansı bir ərazi vahidi yoxdur.
Təcavüzkar dövlət zəbt edilmiş ərazilərdəki çoxəsrlik sənət nümunələrinə, abidələrə qarşı qəddar münasibət göstərərək onları yerlə yeksan etmişdir. Bu da beynəlxalq hüquq normalarına və beynəxalq konvensiyalara tamamilə ziddir və törədilmiş əməllərə əsasən işğalçı ölkə Azərbaycan ərazilərində baş vermiş vandalizm aktlarına görə birbaşa hüquqi məsuliyyət daşıyır. Humanitar təşkilatlar, ölkəmizdə yaşayan dini icmaların üzvləri bəşəri mahiyyətli tarixi abidələrin məhv edilməsinə yönəlmiş cinayət əməllərini qətiyyətlə pisləyir və beynəlxalq ictimaiyyəti buna laqeyd qalmamağa çağırır. Bu, hər bir Azərbaycan vətəndaşının tarix qarşısında vicdani borcudur.
Ermənilər nə qədər çalışsalar da, Şuşadan Azərbaycan ruhunu silə bilmədilər. Çünki Şuşa Azərbaycan xalqının milli sərvətidir. Beləliklə, 30 ildən sonra bərpa edilən festival sözün əsl mənasında milli birlik, qürur, zəfər, ləyaqət bayramına çevrildi. Bu yaxınlarda Şuşanın Azərbaycanın mədəniyyət paytaxtı elan edilməsi
bunu bir daha göstərir. “Xarıbülbül” musiqi festivalı 44 günlük Vətən müharibəsində qazanılmış Zəfərin mədəniyyət sahəsində davamıdır.
Bəli, indi xalq da öz milli liderini müstəqilliyinin təminatçısı hesab edir, başqa heç kimi tanımır. Odur ki, qalib Ali Baş Komandan İlham Əliyevin səriştəsi sayəsində Azərbaycan xalqı revanşist cəhdlərə heç vaxt imkan verməyəcək, müstəqilliyimizi qoruyacaq və bu yolda Prezidentimizə daim dəstək verəcəkdir. Biz onun daxili, xarici siyasətini bəyənir və onun ardınca gedirik.
