https://102xeber.com/ ru 102xeber.com DataLife Engine https://102xeber.com/7311-mingcevir-dovlt-universitetinin-rektoru-cnab-anar-eminovun-ramazan-bayram-v-novruz-bayram-tbriki.html https://102xeber.com/7311-mingcevir-dovlt-universitetinin-rektoru-cnab-anar-eminovun-ramazan-bayram-v-novruz-bayram-tbriki.html ]]>


Mingəçevir Dövlət Universitetinin rektoru Anar Eminovun Novruz və Ramazan bayramları münasibətilə təbriki:

Əziz həmkarlar, dəyərli tələbə və magistrantlar, məzunlar, həmçinin çox hörmətli mingəçevirlilər!

Sizi müqəddəs Ramazan və Novruz bayramları münasibətilə ürəkdən təbrik edirəm.

Ramazan bayramı bizə mərhəməti, paylaşmağı və bir-birimizə dəstək olmağı xatırladır. Novruz isə yenilənmənin, ümidin və yeni başlanğıcların rəmzidir. Bu gözəl günlər insanları bir araya gətirən, cəmiyyətimizdə birlik və həmrəyliyi daha da gücləndirən dəyərləri özündə birləşdirir.

Bu əziz günlərdə Ümummilli lider Heydər Əliyevin bizə miras qoyduğu milli-mənəvi dəyərlərə sadiqlik, birlik və dövlətçilik ənənələri xüsusi əhəmiyyət kəsb edir. Müzəffər Ali Baş Komandanın rəhbərliyi ilə əldə olunmuş tarixi Zəfər xalqımızın qürur mənbəyidir və bu gün ölkəmizin inkişafına, sabitliyinə və gələcəyə inamla irəliləməsinə güc verir.

Bu bayram günləri bizi milli-mənəvi dəyərlərimizə daha da yaxınlaşdırır, cəmiyyətimizdə həmrəyliyi və qarşılıqlı hörməti gücləndirir. İnanıram ki, bu dəyərlər üzərində qurulan güclü cəmiyyət dövlətimizin davamlı inkişafına və daha firavan gələcəyin qurulmasına mühüm töhfə verir.

Vətənimizin azadlığı uğrunda canından keçmiş şəhidlərimizi dərin ehtiramla yad edir, qazilərimizə və müharibə veteranlarına Allahdan şəfa diləyərək minnətdarlığımı bildirirəm.

Arzu edirəm ki, Novruzun yenilənmə ruhu, Ramazanın mənəvi işığı hər bir ocağa sevinc, ruzi-bərəkət, firavanlıq və xoşbəxtlik gətirsin.

Bayramınız mübarək olsun!

Mingəçevir Dövlət Universitetinin Rektoru: Anar Eminov 

#NovruzBayramı #RamazanBayramı
#RektorAnarEminov
#MDU #MingəçevirDövlətUniversiteti

]]> admin Tue, 17 Mar 2026 13:47:40 +0400 https://102xeber.com/7310-buta-restoran-gncd-dadn-v-rahatln-unvan.html https://102xeber.com/7310-buta-restoran-gncd-dadn-v-rahatln-unvan.html
]]>
Gəncənin mərkəzində yerləşən Buta Restoran ailəvi və dostlarla xoş vaxt keçirmək üçün ideal məkanlardan biridir. Burada hər detal qonaqların rahatlığı, zövqü və unudulmaz təcrübəsi üçün nəzərə alınır. Məkanın rəhbəri Şöhrət Rəhimov yüksək xidmət və qonaqpərvərlik prinsiplərinə sadiq olaraq restoranı bölgədə seçilən məkanlardan birinə çevirib.
Buta Restoranın xüsusi kabinetləri qonaqlara rahatlıq və məxfilik təqdim edir. Burada həm ailəvi nahar, həm də işgüzar görüşlər təşkil etmək mümkündür. Zövqlü interyer hər tədbirə xüsusi estetik görünüş qatır və unudulmaz anlar yaradır.
Restoranda təqdim olunan yeməklər yalnız dadlı deyil, həm də göz oxşayır. Hər süfrə xüsusi dizayn edilir və qonaqlara gözəl təqdimat ilə təqdim olunur. Burada təkcə yemək yox, həm də mənzərə xatirəyə çevrilir.
Sac yeməkləri Buta Restoranın süfrələrinin ulduzudur. Sacın istisi və ləzzətin zirvəsi qonaqların damağında unudulmaz dad buraxır. Hər yemək xüsusi diqqətlə hazırlanır və təzə, seçilmiş məhsullardan istifadə olunur.
Qonaqlara təqdim olunan meyvələr xüsusi seçilmiş, təbii və təravətlidir. Hər süfrə dad və gözəlliyin harmoniyasını təqdim edir, qonaqlar yeməyə ilk baxışdan heyran olurlar.
Buta Restoranın çıxırtması dadına baxan hər kəsi yenidən istəyir. Qazanımızda zəhmət, süfrəmizdə ləzzət prinsipi ilə hər yemək qonaqlara yüksək keyfiyyət və xüsusi dad təqdim edir.
Restoranın plovları özünəməxsusluğu ilə fərqlənir. Hər dənəsi dad, hər qaşığı isə ənənəvi ləzzətlə doludur. Xoruz buğlaması isə süfrənin şahıdır və qonaqların zövqünü oxşayır.
Buta mətbəxi təbii məhsullardan istifadə edir, ənənəvi dadları qoruyur və hər yeməyi özünəməxsus bir ləzzətə çevirir. Hər qonaq burada fərqli və yüksək keyfiyyətli yemək təcrübəsi yaşayır.
Soyuq havalarda isə restoran Gürcüstanın ən dadlı yeməklərini təqdim edir. İsti süfrə və fərqli ləzzətlər qonaqlara həm dad, həm də istilik bəxş edir. Nazik xəmir, şirəli içlik və unudulmaz dad Buta Restoranın əsas simvollarındandır.
Kömürdə bişmiş Farel balıq kababı xüsusi seçilmiş və təzə məhsullardan hazırlanır. Balıq həm ləzzətli, həm də mükəmməl bişmiş formada təqdim olunur, qonaqların damağında iz buraxır.
Buta Restoran hər zövqə və hər yaşa uyğun ləzzət təcrübəsi təqdim edir. Burada ailəvi naharlardan tutmuş xüsusi tədbirlərə qədər hər an unudulmaz və xoş keçər. Qonaqlar restorandan yalnız doymuş qalmır, həm də yüksək xidmət və səmimi atmosferlə ayrılır.
📍 Ünvan: Gəncə, Ş Atabəylər Küç 163
📞 Əlaqə: +994 55 682 10 10
“Ləzzətin tək ünvanı Butadadır” – dad, keyfiyyət və unudulmaz xatirələr burada bir aradadır.













]]> admin Tue, 17 Mar 2026 09:52:54 +0400 https://102xeber.com/7309-bak-qlobal-tdbirlr-ev-sahibliyi-nnsini-genilndirir.html https://102xeber.com/7309-bak-qlobal-tdbirlr-ev-sahibliyi-nnsini-genilndirir.html
]]>
Ölkəmizin bu gün qloballaşan dünyanın fəal üzvünə çevrilməsinin nəticəsidir ki, tez-tez ölkəmizdə müxtəlif beynəlxalq forumlar, tədbirlər keçirilir. Bu kimi tədbirlər həqiqətlərimizin beynəlxalq ictimaiyyətin diqqətinə çatdırılmasında öz sözünü deyir. Bakı Qlobal Forumunun iştirakçılarının təmsilçilik səviyyəsi və intellektual potensialı aparıcı beynəlxalq konfranslara uyğundur. Xüsusilə şəhərsalma və urban inkişaf məsələlərinin dünyada getdikcə daha çox diqqət mərkəzinə çevrildiyi bir dövrdə Bakının böyük beynəlxalq platformalara ev sahibliyi etməsi Azərbaycanın inkişaf strategiyasının mühüm istiqamətlərindən biri kimi dəyərləndirilir. Bu baxımdan BMT-nin Ümumdünya Şəhərsalma Forumunun 13-cü sessiyasının (WUF13) 2026-cı ildə Bakıda keçirilməsi Azərbaycanın qlobal urban inkişaf proseslərinə fəal şəkildə qoşulduğunu göstərən mühüm hadisə kimi qiymətləndirilir. Ümumdünya Şəhərsalma Forumu yalnız urban inkişaf mövzularının müzakirəsi ilə məhdudlaşmayan, eyni zamanda, iqtisadi əməkdaşlıq, investisiya imkanları və müasir şəhər idarəetməsi sahəsində yeni yanaşmaların formalaşmasına xidmət edən mühüm beynəlxalq platforma kimi qiymətləndirilir. Forum çərçivəsində müxtəlif ölkələrdən olan ekspertlərin, investorların və dövlət nümayəndələrinin iştirakı Bakının şəhər infrastrukturu, iqtisadi potensialı və urban inkişaf təcrübəsinin təqdim olunması baxımından da əhəmiyyətli imkanlar yaradır.
Forumdakı çıxışında ölkə rəhbəri qeyd edib ki, bu forumun gündəliyi genişdir, bir çox məsələləri əhatə edir. Əminəm ki, müzakirələr zamanı diqqət məhz bizim regionumuzda, dünyadakı vəziyyətə yönələcəkdir. Dövlətimizin başçısı deyib ki, təhlükəsizlik, sabitlik məsələləri hər hansı bir ölkənin gündəliyində heç vaxt olmadığı qədər bir nömrəli məsələ kimi qalmalıdır. Çünki bu, olmadan bütün başqa səylər mənasızdır.
Bütün beynəlxalq tədbirlərdə çıxışı zamanı hər zaman olduğu kimi Prezident İlham Əliyev Ermənistanla münasibətlərə toxunub. Bildirib ki, Ermənistanla sülh yalnız kağız üzərində deyil. Bununla bağlı Birgə Bəyannamə oldu və bir neçə ay bundan əvvəl paraflandı. Lakin bizdə sülh yerində hiss olunur. Sərhədlərimizdə artıq atışmanın, qurbanların, itkilərin olmadığını vurğulayan dövlətimizin başçısı qeyd edib: “Biz müxtəlif istiqamətlərdən bütün yüklərin Ermənistana daşınmasına olan məhdudiyyətləri aradan qaldırmışıq. Biz Ermənistanla ticarətə və onlara ən vacib neft məhsullarının ixracına başlamışıq”.
Belə forumlar həm də beynəlxalq əməkdaşlıq imkanlarını genişləndirir və ölkənin investisiya mühitinin tanıdılması üçün mühüm platforma rolunu oynayır. Çünki bu cür tədbirlər zamanı şəhər iqtisadiyyatının potensialı, həyata keçirilən layihələr və gələcək inkişaf planları beynəlxalq auditoriyaya təqdim olunur.
Nəbi Hacıyev-YAP Sabunçu rayon təşkilatının məsləhətçisi

]]> admin Mon, 16 Mar 2026 19:44:01 +0400 https://102xeber.com/7308-xiii-qlobal-bak-forumunda-bir-cox-vacib-msllr-muzakir-olundu.html https://102xeber.com/7308-xiii-qlobal-bak-forumunda-bir-cox-vacib-msllr-muzakir-olundu.html
]]>
Qlobal problemlərin həlli yollarını araşdıran və bu barədə dünya ictimaiyyətini məlumatlandıran, mühüm beynəlxalq platformaya çevrilən Qlobal Bakı forumlarına maraq ildən-ilə artmaqdadır. Bu, tədbirə qatılan qonaqların, eyni zamanda, onların təmsil etdikləri ölkələrin sayında özünün aydın ifadəsini tapır. Hər bir Qlobal Bakı Forumu üçün seçilən mövzular həmin dövrün tələblərini özündə ehtiva edir. Ötən ilin mövzusundan da bəlli olduğu kmi, dövrün çağırışları aydındır, amma çalışmalıyıq ümidlər yaradaq, gələcəyə-sabaha baxaq. Bu reallıq beynəlxalq səviyyədə də qeyd edilir ki, Azərbaycan hər dövrün çağırışlarını yüksək səviyyədə yerinə yetirir. Bu çağırışlara söykənilərək atılan addımlar düşünülmüş siyasətə əsaslanır.
XIII Qlobal Bakı Forumundan ötən bir ildə qət edilən yolun uğurlarını görmək üçün Azərbaycanın həyatında baş verən yeniliklərə diqqət yetirmək kifayətdir. Azərbaycan ərazi bütövlüyünü və suverenliyini tam bərpa etməklə tarixi ədalətin və beynəlxalq hüququn mövcudluğunu beynəlxalq ictimaiyyətin diqqətinə çatdırdı. Bir daha sübut etdi ki, buna nail olmaq üçün səylər göstərilməli, sonadək mübarizə aparılmalıdır. Dövlət başçısı İlham Əliyev Forumdakı çıxışında bir daha Azərbaycanın son 30 ildə Qarabağ münaqişəsinin yalnız sülh yolu ilə həll olunmasına səy göstərdiyini bildirdi. 44 günlük İkinci Qarabağ müharibəsinin, eyni zamanda, birgünlük antiterror tədbirlərinin qaçılmazlığını şərtləndirən amillərin hər kəsə bəlli olduğunu vurğuladı. Prezident İlham Əliyev bu reallıqları diqqətə çatdırdı ki, 2020-ci ilin sentyabr-noyabr aylarında rəsmi İrəvana dərs vermək məcburiyyətində olduq. Xarici qüvvələrə güvənərək başqa ölkənin torpaqlarını işğal altında saxlamaq dövrü artıq bitib. 2020-ci il noyabrın 10-da Ermənistanın imzalamaq məcburiyyətində qaldığı kapitulyasiya aktına əsasən onlar o zaman Azərbaycanın nəzarətində olmayan Qarabağın qalan ərazilərindən işğalçı qüvvələrini çıxarmaq öhdəliyini üzərinə götürdülər. Lakin 3 il ərzində onlar bunu etmədilər. Onlar nəinki on beş minlik hərbi kontingentlərini ərazidən çıxarmadılar, əksinə İkinci Qarabağ müharibəsindən sonra kommunikasiya yolları üzərində nəzarətimizin olmadığından faydalanaraq silah, mina və sursatları qaçaqmalçılıq yolu ilə Qarabağa göndərdilər. Lokal antiterror tədbirləri nəticəsində ərazilərimiz separatçılardan təmizləndi, suverenliyimiz bərpa olundu.
XIII Qlobal Bakı Forumu əvvəlki illərdə olduğu kimi, qlobal çağırışların həlli üçün geniş mövzu spektri və dərin müzakirələri ilə mühüm platforma rolunu oynayacaq. Əminik ki, burada aparılacaq diskussiyalar beynəlxalq əməkdaşlığın möhkəmlənməsinə, ortaq həll yollarının müəyyənləşdirilməsinə və sülhün təşviqinə töhfə verəcək.
Alidə Aslanova-YAP Sabunçu rayon təşkilatının məsləhətçisi

]]> admin Mon, 16 Mar 2026 19:42:45 +0400 https://102xeber.com/7307-xiii-qlobal-bak-forumunda-muzakir-ediln-msllr-dunyada-sulhun-tviqin-tohf-verck.html https://102xeber.com/7307-xiii-qlobal-bak-forumunda-muzakir-ediln-msllr-dunyada-sulhun-tviqin-tohf-verck.html
]]>
Mart ayının 12-də ölkəmiz daha bir mötəbər beynəlxalq tədbirə ev sahibliyi edib. Bakıdakı Gülüstan sarayında Azərbaycan Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “Keçid dövründə olan dünyada fikir ayrılıqlarının aradan qaldırılması” mövzusunda XIII Qlobal Bakı Forumu öz işinə başlayıb.
Qeyd edək ki, Nizami Gəncəvi Beynəlxalq Mərkəzi qlobal problemlərin həlli yollarını araşdıran və bu barədə dünya ictimaiyyətini məlumatlandıran mühüm beynəlxalq platformaya çevrilib. Mərkəzin təşkil etdiyi tədbirlərə marağın ildən-ilə artmasi da məhz bunun məntiqi nəticəsidir. Qlobal Bakı Forumu geniş fikir müxtəlifliyini təmsil edən insanları neytral və mehriban bir mühitdə bir araya gətirərək, onların dünyanın qlobal çağırışları ilə bağlı fikir mübadiləsi aparmasına imkan yaradır.
Bu tədbirin tarixinə nəzər salsaq görərik ki, tədbirin təşkilatçısı olan Nizami Gəncəvi Beynəlxalq Mərkəzi Azərbaycan Respublikasının Prezidenti İlham Əliyevin Sərəncamına əsasən, dahi Azərbaycan şairi Nizami Gəncəvinin 870 illik yubiley tədbirləri çərçivəsində 2012-ci il sentyabrın 30-da böyük mütəfəkkirin Vətəni Gəncədə keçirilmiş xüsusi toplantıda təsis edilib. Hazırda Mərkəz qlobal problemlərin həlli yollarını araşdıran və bu barədə dünya ictimaiyyətini məlumatlandıran mühüm beynəlxalq təsisata çevrilib. Məhz bunun nəticəsidir ki, Mərkəzin təşkil etdiyi tədbirlərə maraq ildən-ilə artmaqdadır. Azərbaycanın belə forumlara ev sahibliyi etməsi, ildən-ilə iştirakçıların sayında nəzərəçarpan artım ölkəmizə olan diqqət və etimadın, dövlətimizin başçısı İlham Əliyevin siyasətinə dəstəyin ifadəsi kimi dəyərləndirilir. Azərbaycan Prezidenti İlham Əliyevin həyata keçirdiyi fəal praqmatik siyasət, dünya miqyasında nüfuzlu siyasətçi imici, liderlik xüsusiyyətləridir ki, bu gün ölkəmiz böyük imicə sahibdir. Azərbaycanın artan beynəlxalq nüfuzu, beynəlxalq məsələlərin tənzimlənməsində mühüm rol oynayır. Belə ki, ölkəmiz çox vacib beynəlxalq forumlara və tədbirlərə ev sahibliyi edərək, qlobal və regional sabitliyə töhfəsini verir. Azərbaycan Prezidenti cənab İlham Əliyev XIII Qlobal Forumun açılış mərasimindəki dərin məzmunlu çıxışında dünyada və regionumuzda baş verən proseslər və digər aktual mövzularla bağlı fikirlərini ifadə etdi. Cənab Prezident deyib ki, Nizami Gəncəvi Beynəlxalq Mərkəzi bu gün aparıcı beynəlxalq təsisatlardan biridir və burada bir çox məsələlər müzakirə olunur. Təşkilat yaxşı beynəlxalq nüfuza malikdir. Dövlətimizin başçısı bildirib ki, sistemli yanaşmaların, dəyişən beynəlxalq vəziyyətə aid olan məsələlərə mövqeyin formalaşmasında bu təşkilatın böyük rolu var.
Vüqar Musayev-YAP Sabunçu rayon təşkilatının məsləhətçisi

]]> admin Mon, 16 Mar 2026 19:41:29 +0400 https://102xeber.com/7306-thluksizlik-v-sabitlik-azrbaycan-ucun-muhum-amildir.html https://102xeber.com/7306-thluksizlik-v-sabitlik-azrbaycan-ucun-muhum-amildir.html
]]>
Tərəfdaşlıq, qarşılıqlı faydalı əməkdaşlıq vasitəsilə regionumuzda və daha geniş coğrafiyada təhlükəsizlik, sabitlik istiqamətində ölkələrlə yaxın əlaqələrin qurulması Azərbaycanın prioritetlərindən biridir. Ölkəmiz hər zaman qlobal layihələrin həm təşəbbüskarı, həm təşkilatçısı, həm də iştirakçısı kimi çıxış edib. Bu layihələri sadalamağa da ehtiyaç yoxdur, ona görə ki, indi bütün dünya ictimaiyyəti bu barədə məlumatlıdır. Azərbaycan xarici siyasətdə tərəfdaşlıq və qarşılıqlı faydalı əməkdaşlıq vasitəsilə geniş bir coğrafiyada təhlükəsizlik və sabitliyə nail olmaq üçün ölkələrlə yaxın əlaqələr qurur. Bu fakt indi kimin üçünsə sir deyil və təbii ki, bu müzakirələrin aparılmasında da ölkəmiz hər zaman olduğu kimi, yenə də haqlıdır. Ona görə ki, Azərbaycan utilitar müstəvidə ancaq özünün qazanc götürməsinə deyil, bütövlükdə təhlükəsizliyə və sabitliyə apara biləcək qarşılıqlı faydalı əməkdaşlıq xəttinə sadiqdir. Yalnız bu əsasda müxtəlif sivilizasiyalar, dinlər, mədəniyyətlər arasında dialoq yaratmaq və bütövlükdə təhlükəsizliyi təmin etmək mümkündür.
Martın 12-də Bakıda “Gülüstan” sarayında Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “Dünya düzəninin yenidən düşünülməsi: Çağırışların fürsətə çevrilməsi ” mövzusunda XIII Qlobal Bakı Forumu işə başlayıb. Cənab Przident sürətlə dəyişən və qloballaşan dünyada yeni qeyri-sabitlik və qarşıdurma ocaqları meydana çıxdığını qeyd edərək bu prosesin fonunda geosiyasi dəyişikliklər baş verdiyini bildirmiş, qlobal əhəmiyyət kəsb edən məsələlərin həlli üçün Nizami Gəncəvi Beynəlxalq Mərkəzinin üzvlərinin və iştirakçılarının təcrübəsinə, biliyinə, onların dövlət, hökumət başçıları və xarici işlər nazirləri kimi təcrübəsinə ehtiyacın olduğunu qeyd etmişdir.
Ölkəmizin başçısı COP29-un Azərbaycanda keçirilməsinin Azərbaycanın yaşıl keçidlə bağlı səylərinin qəbul edilməsi kimi qiymətləndirərək neft və qaz sərvətlərinə sahib olmağımızın bizim günahımız olmadığını qeyd edərək bildirib ki, buna görə tənqid edilməli deyil, yaşıl enerjiyə keçid sahəsində həyata keçirdiyimiz layihələr dəstəklənməlidir.
Qarşılıqlı faydalı əməkdaşlıq vasitəsilə regionumuzda və daha geniş coğrafiyada təhlükəsizlik, sabitlik istiqamətində ölkələrlə yaxın əlaqələrin qurulması Azərbaycanın prioritetlərindən biridir. Bu, olduqca mühüm məsələdir və biz artıq bunun şahidiyik.
Məharət Əliyeva-YAP Sabunçu rayon təşkilatının fəal üzvü

]]> admin Mon, 16 Mar 2026 19:39:55 +0400 https://102xeber.com/7305-dovltlrin-suverenliyi-v-razi-butovluyu-beynlxalq-munasibtlrin-sas-prinsiplrindn-biridir-v-bu-prinsiplr-ml-olunmas-qlobal-sabitliyin-qorunmas-baxmndan-muhum-hmiyyt-dayr.html https://102xeber.com/7305-dovltlrin-suverenliyi-v-razi-butovluyu-beynlxalq-munasibtlrin-sas-prinsiplrindn-biridir-v-bu-prinsiplr-ml-olunmas-qlobal-sabitliyin-qorunmas-baxmndan-muhum-hmiyyt-dayr.html
]]>
Azərbaycan Respublikasının Prezidenti İlham Əliyev 12 mart tarixində keçirilən XIII Qlobal Bakı Forumunun açılış mərasimində çıxış edərək forumun beynəlxalq əməkdaşlığın inkişafı və qlobal problemlərin müzakirəsi üçün mühüm platforma olduğunu vurğulamışdır. xüsusilə Azərbaycan ilə Ermənistan arasında münasibətlərin normallaşdırılması məsələsinə toxunan prezident qeyd etdi ki, Azərbaycan regionda uzunmüddətli sülhün təmin olunmasında maraqlıdır və bu məqsədlə Ermənistanla sülh müqaviləsinin imzalanması üçün təşəbbüs göstərir. Dövlət başçısı vurğulamışdır ki, münaqişədən sonrakı dövrdə regionda yeni reallıqlar formalaşıb və bu reallıqlar nəzərə alınaraq əməkdaşlıq və qarşılıqlı etimada əsaslanan münasibətlərin qurulması vacibdir. Prezident həmçinin bildirmişdir ki, Cənubi Qafqaz regionunda davamlı sülhün əldə olunması həm regional, həm də beynəlxalq sabitlik baxımından böyük əhəmiyyət daşıyır. Daha sonra dövlət başçısı forumun əhəmiyyəti haqqındakı fikirlərini bildirərək, forumun dünya liderlərini, siyasətçiləri və ekspertləri bir araya gətirən müasir dövrdə mövcud olan qlobal problemlərin müzakirəsinə şərait yaratdığını xüsusilə vurğulandı. Cənab prezident çıxışında qeyd etmişdir ki, müasir dünya mürəkkəb geosiyasi proseslər və yeni çağırışlarla üz-üzədir. Böyük dövlətlər arasında rəqabət, regional münaqişələr və təhlükəsizlik problemləri beynəlxalq münasibətlər sistemində qeyri-müəyyənlik yaradır. Belə bir şəraitdə beynəlxalq dialoq və əməkdaşlığın xüsusilə vacibliyi vurğulanmış, Azərbaycanın tərəfdaş kimi mühüm yer tutduğu diqqətə çatdırılmışdır.
Dövlət başçısı vurğulamışdır ki, Azərbaycan beynəlxalq əməkdaşlığın inkişafına və qlobal dialoqa töhfə verən ölkələrdən biridir. Bakı şəhərində keçirilən Qlobal Bakı Forumu müxtəlif ölkələrin nümayəndələri üçün fikir mübadiləsi aparmaq və ortaq həll yolları axtarmaq üçün mühüm platforma rolunu oynayır. Cənab prezident müzakirələrdə əsas məsələlərin bölgələrdəki və dünyadakı mövcud vəziyyətə yönəlməli olduğunu vurğulamışdır. Müasir dövrümüzdə təhlükəsizlik, müdafiə məsələlərinin hər bir ölkənin zənnində bir nömrəli prioritet olmalı olduğunu bildirilib. Çünki bunlar olmadan qalan bütün məsələlərin mənasızlılığı vurğulandı. Təhlükəsiz və sabit bir cəmiyyət yaratmağın əsas mövzu olduğunu bildirən prezident bütün səylərin bu yöndə birləşdirilməli olduğunu qeyd etdi. Prezident çıxışında regional təhlükəsizliyin Azərbaycan üçün bir nömrəli məsələ olduğunu Azərbaycanın müxtəlif beynəlxalq təşəbbüslərdə iştirakı, qlobal əməkdaşlığa verdiyi töhfələr və multikultural dəyərlərə sadiqliyi ölkəmizin beynəlxalq nüfuzunu daha da artırdığı diqqətə çatdırıldı. Prezident vurğulamışdır ki, Bakı şəhəri artıq mühüm beynəlxalq tədbirlərin keçirildiyi mərkəzlərdən birinə çevrilmişdir və bu cür forumlar müxtəlif ölkələr arasında əməkdaşlığın möhkəmlənməsinə xidmət edir. Prezident çıxışında həmçinin qeyd etmişdir ki, dünyada baş verən iqtisadi və siyasi proseslər dövlətlər arasında qarşılıqlı asılılığı daha da artırır. Bu səbəbdən dövlətlər qlobal problemlərin həlli üçün birgə fəaliyyət göstərməli, sülh və sabitliyin qorunmasına xüsusi diqqət yetirməlidirlər. Bu baxımdan XIII Qlobal Bakı Forumu beynəlxalq dialoqun genişlənməsinə və ortaq həll yollarının tapılmasına mühüm töhfə verir.Çıxış zamanı Prezident vurğulamışdır ki, müasir dünyada sabitlik və təhlükəsizliyin təmin olunması üçün beynəlxalq hüququn prinsiplərinə hörmət edilməlidir. Dövlətlərin suverenliyi və ərazi bütövlüyü beynəlxalq münasibətlərin əsas prinsiplərindən biridir və bu prinsiplərə əməl olunması qlobal sabitliyin qorunması baxımından mühüm əhəmiyyət daşıyır. Nəticə etibarilə, XIII Qlobal Bakı Forumu beynəlxalq əməkdaşlığın möhkəmləndirilməsi, qlobal problemlərin müzakirəsi və müxtəlif ölkələr arasında dialoqun inkişafı üçün mühüm platformadır. Prezident İlham Əliyev çıxışında səsləndirilən fikirlər müasir dövrdə dövlətlər arasında əməkdaşlığın vacibliyini bir daha göstərir. Bu forumun keçirilməsi qlobal miqyasda sülh, sabitlik və qarşılıqlı anlaşmanın gücləndirilməsinə xidmət edən mühüm tədbirlərdən biri kimi qiymətləndirilə bilər.
Ramana qəsəbəsi, 296 nömrəli məktəbin
müəllimi Röyal İsmayılov

]]> admin Mon, 16 Mar 2026 19:37:56 +0400 https://102xeber.com/7304-bu-gun-dunyada-ba-vern-hadislr-thluksizlik-v-sabitlik-msllrinin-hr-bir-dovlt-ucun-sas-prioritet-cevrildiyini-gostrir.html https://102xeber.com/7304-bu-gun-dunyada-ba-vern-hadislr-thluksizlik-v-sabitlik-msllrinin-hr-bir-dovlt-ucun-sas-prioritet-cevrildiyini-gostrir.html
]]>
Martın 12-də Bakıda, “Gülüstan” sarayında Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “Keçid dövründə olan dünyada fikir ayrılıqlarının aradan qaldırılması” mövzusunda keçirilən XIII Qlobal Bakı Forumu və həmin Forumda Müzəffər Ali Baş Komandanın çıxışı müharibədən əziyyət çəkən, sülh arzusunda olan dünyamız üçün yol xəritəsidir. “Prezident İlham Əliyev çıxışında sülh və müharibə arasında paralellər aparıb, sülhə alternativin olmadığını konkret nümunələr əsasında Forum iştirakçılatının, eləcə də dünya ictimaiyyətinin diqqətinə çatdırıb Dövlət başçısı qeyd etdi ki, bəşəriyyətin tərəqqisi və inkişafını sitimullaşdıra biləcək yeganə amil sülhdür. Buna görə də planetimizdə sülhün bərqərar olması üçün hər bir dövlət ciddi səy göstərməli, həmrəylik nümayiş etdirməlidir. Dövlət başçısı Azərbaycanla Ermənistan arasında uzun illərdir ki, davam edən müharibə və münaqişəyə də diqqət çəkib. Müzəffər Ali Baş Komandan bildirib ki, məhz Azərbaycanın ardıcıl səyləri, sülhə sadiqliyi nəticəsində iki dövlət arasında müharibəyə son qoyulub, de-fakto olaraq sülh təmin edilib. 2025-ci ildə Vaşinqtonda Azərbaycanla Ermənistan arasında sülh mətni paraflanıb ki, bu da de-yure sülh üçün əlverişli zəmin formalaşdırıb. Prezident İlham Əliyev çıxışnda yaxın tarixi keçmişə diqqət çəkərək Azərbaycanın öz ərazi bütövlüyünü hərbi əməliyyatlar yolu ilə bərpa etdiyini vurğulayıb. Dövlət başçısı qeyd edib ki, Ermənistan işğal etdiyi torpaqları azad etməkdən imtina etdiyi üçün Azərbaycan BMT Nizamnaməsi, onun 51-ci maddəsində nəzərdə tutulmuş özünümüdafiə hüququ çərçivəsində ərazi bütövlüyünü təmin edib. Yəni Azərbaycan güc faktorunu məcbur qaldığı üçün, beynəlxalq hüquq çərçivəsində tətbiq edib və öz məqsədinə nail olandan dərhal sonra müharibəni dayandırıb. Çıxışında Dövlət başçısı vurğuladı ki, bu gün dünyada baş verən hadisələr təhlükəsizlik və sabitlik məsələlərinin hər bir dövlət üçün əsas prioritetə çevrildiyini göstərir. Müasir beynəlxalq münasibətlər sistemi ciddi çağırışlarla üz-üzədir və bir çox ölkələr uzun illər ərzində qurduqları inkişaf modelinin təhlükə ilə qarşılaşdığını görürlər. Bu baxımdan təhlükəsizlik, müdafiə və sabitlik məsələləri bütün digər inkişaf istiqamətlərinin əsasında dayanır. Çünki bu amillər olmadan iqtisadi inkişafdan, sosial rifahdan və ya beynəlxalq əməkdaşlıqdan danışmaq mümkün deyil.Prezident İlham Əliyev qeyd etdi ki, Azərbaycan da uzun illər ərzində məhz təhlükəsizlik məsələlərini əsas prioritet kimi müəyyənləşdirib. Xüsusilə Ermənistanın işğal siyasəti nəticəsində ölkənin ərazi bütövlüyünün pozulması Azərbaycanın qarşısında duran ən böyük problem idi. Buna görə də dövlət siyasətinin əsas məqsədi suverenliyin və ərazi bütövlüyünün bərpası olmuşdur. Prezident İlham Əliyev çıxışında Azərbaycanın Ermənistanla münasibətlərində yeni mərhələnin başladığını bildirdi. O qeyd etdi ki, iki ölkə arasında sülhün əldə olunması region üçün mühüm hadisədir. 2023-cü ilin payızında baş vermiş son qanlı toqquşmadan sonra cəmi iki ildən az müddətdə sülh razılaşmasına nail olunması normallaşmanın görünməyən sürətidir. Dövlət başçısı vurğuladı ki, bu nəticə güclü siyasi iradə və müharibənin sona çatmalı olduğunun dərk olunması sayəsində mümkün oldu. Artıq yeddi aydır ki, regionda real sülh şəraiti mövcuddur, sərhəddə sabitlik təmin edilib və hərbi itkilər qeydə alınmır. Dövlət başçısının sözlərinə görə, “sülhdən daha yaxşı heç nə yoxdur” və Azərbaycan məhz davamlı və uzunmüddətli sülhün tərəfdarıdır.Azərbaycanın sülhə sadiqliyinin göstəricisi kimi Ermənistanla iqtisadi əlaqələrin bərpası da qeyd edildi. Prezident bildirdi ki, Azərbaycan Ermənistan istiqamətində bir sıra məhdudiyyətləri aradan qaldırıb və hətta enerji məhsullarının ixracına başlayıb. Bu addım Azərbaycanın regionda davamlı sabitlik yaratmaq niyyətini nümayiş etdirir.Prezident İlham Əliyevin XIII Qlobal Bakı Forumundakı çıxışı müasir dünyada baş verən dəyişikliklər fonunda Azərbaycanın siyasi baxışlarını və strateji prioritetlərini aydın şəkildə ortaya qoydu. Çıxışda təhlükəsizlik, sülh, enerji əməkdaşlığı və nəqliyyat əlaqələrinin gücləndirilməsi kimi məsələlər xüsusi vurğulandı. Azərbaycanın işğal, müharibə və sülh mərhələlərindən keçərək əldə etdiyi təcrübə beynəlxalq ictimaiyyət üçün mühüm nümunə kimi təqdim edildi. Prezidentin vurğuladığı kimi, güclü siyasi iradə, beynəlxalq hüquqa hörmət və regional əməkdaşlıq sülhün və sabitliyin təmin olunmasının əsas şərtləridir. Bu baxımdan Azərbaycan yalnız regionda deyil, qlobal miqyasda da sabitlik və əməkdaşlıq üçün mühüm tərəfdaş kimi çıxış etməyə davam edir.

Maştağa qəsəbəsi, 293 № tam orta məktəbin
tarix müəllimi Aytən Musayeva

]]> admin Mon, 16 Mar 2026 19:36:07 +0400 https://102xeber.com/7303-azrbaycann-strateji-movqeyi-v-regional-thluksizlik-siyasti.html https://102xeber.com/7303-azrbaycann-strateji-movqeyi-v-regional-thluksizlik-siyasti.html
]]>
Müasir dövrdə Azərbaycan regionun ən mühüm dövlətlərindən biri kimi beynəlxalq əməkdaşlıq və təhlükəsizlik məsələlərində fəal rol oynayır. Ölkəmizin əlverişli coğrafi mövqeyi və həyata keçirilən iri layihələr Azərbaycanı Şərq-Qərb və Şimal-Cənub nəqliyyat dəhlizləri üzrə əvəzolunmaz tərəfdaşa çevirib. Bu dəhlizlər vasitəsilə müxtəlif qitələr arasında ticarət və iqtisadi əlaqələr daha da genişlənir, ölkəmizin tranzit imkanları isə ildən-ilə artır. Bu proseslər Azərbaycanın regionda strateji əhəmiyyətini daha da gücləndirir.
Bu gün Azərbaycan yalnız iqtisadi layihələrin iştirakçısı deyil, eyni zamanda regionlar arasında körpü rolunu oynayan mühüm dövlət kimi çıxış edir. Həyata keçirilən nəqliyyat və logistika layihələri müxtəlif ölkələri birləşdirir, ticarət dövriyyəsini artırır və beynəlxalq əməkdaşlığın genişlənməsinə yeni imkanlar yaradır. Bütün bunlar Azərbaycanın dünya iqtisadi sistemində mövqeyini möhkəmləndirir.
Regional təhlükəsizlik məsələsi isə Azərbaycan üçün hər zaman bir nömrəli prioritet olub. Dövlətimiz bölgədə sabitliyin və təhlükəsizliyin qorunması istiqamətində ardıcıl siyasət həyata keçirir. Bu siyasətin əsas məqsədi həm ölkəmizin milli maraqlarını qorumaq, həm də regionda davamlı sülh və inkişaf üçün möhkəm zəmin yaratmaqdır.
Uzun illər davam edən işğal probleminə son qoyulması isə Azərbaycanın tarixində mühüm mərhələ kimi qiymətləndirilir. Azərbaycan öz ərazilərini güc vasitəsilə azad edərək beynəlxalq hüququn tələblərini bərpa etmişdir. Bununla yanaşı, ölkəmiz regionda davamlı sülhün təmin olunması üçün siyasi və diplomatik yollarla da fəal təşəbbüslər irəli sürür.
Bu gün Azərbaycan həm güclü dövlət, həm də etibarlı tərəfdaş kimi regionda mühüm rol oynayır. Həyata keçirilən strateji layihələr, təhlükəsizlik siyasəti və sülh təşəbbüsləri ölkəmizin gələcək inkişafına, eləcə də regionda sabitliyin möhkəmlənməsinə mühüm töhfə verir. Bu siyasət Azərbaycanın beynəlxalq aləmdə mövqeyini daha da gücləndirir və ölkəmizi regionun aparıcı dövlətlərindən birinə çevirir.

Ramana qəsəbəsi, 198 nömrəli tam orta ümumtəhsil
məktəbin məktəbdən və sinifdənxaric tərbiyə işi üzrə təşkilatçısı Rüfanə Abdullayeva

]]> admin Mon, 16 Mar 2026 19:34:36 +0400 https://102xeber.com/7302-ndi-hec-vaxt-olmad-qdr-aydndr-ki-thluksizlik-sabitlik-v-mudafi-msllri-hr-bir-olknin-gundliyind-bir-nomrli-prioritet-olmaldr.html https://102xeber.com/7302-ndi-hec-vaxt-olmad-qdr-aydndr-ki-thluksizlik-sabitlik-v-mudafi-msllri-hr-bir-olknin-gundliyind-bir-nomrli-prioritet-olmaldr.html
]]>
Müasir beynəlxalq münasibətlər sistemi "soyuq müharibə"dən sonrakı ən gərgin dövrünü yaşayır. Əvvəllər iqtisadi artım və qloballaşma əsas hədəf kimi görünsə də, bugünki reallıq göstərir ki, güclü müdafiə sistemi və daxili sabitlik olmadan iqtisadi tərəqqi mümkün deyil. XIII Qlobal Bakı Forumunda Azərbaycan Prezidenti İlham Əliyev tərəfindən səsləndirilən yuxarıdakı sitat, əslində, yeni dünya nizamının "yol xəritəsi"dir. Bu məruzədə həmin fikrin üç sütunu — Təhlükəsizlik, Sabitlik və Müdafiə — geniş təhlil olunur.
Prezidentin qeyd etdiyi kimi, təhlükəsizlik artıq yalnız sərhədlərin qorunması deyil, həm də dövlətin suveren qərarlar qəbul edə bilmək qabiliyyətidir.
"Sabitlik" ifadəsi bu çıxışda həm daxili, həm də regional kontekstdə işlənir.
Cənubi Qafqazın Sabitliyi: Azərbaycanın 44 günlük müharibədən və 2023-cü ilin antiterror tədbirlərindən sonra yaratdığı yeni reallıq, regionda onilliklər boyu davam edən qeyri-sabitliyə son qoydu.İqtisadi Sabitlik: İnvestorlar üçün ən vacib amil mənfəətdən öncə təhlükəsizlikdir. Prezidentin mesajı aydındır: Əgər bir ölkədə daxili sabitlik yoxdursa, orada heç bir xarici investisiya və ya sosial rifahdan söhbət gedə bilməz.
Üçüncü Sütun: Müdafiə Potensialı və "Güclü Ordu" Strategiyası
Prezidentin çıxışındakı ən mühüm mesajlardan biri müdafiə qabiliyyətinin artırılması ilə bağlıdır : "Əgər sənin güclü ordun, müasir hərbi-sənaye kompleksin və hazırlıqlı kadr potensialın yoxdursa, beynəlxalq hüququn kağız üzərindəki normaları səni qoruya bilməyəcək." Bu yanaşma Azərbaycanın son illərdə hərbi büdcəsini artırması və Türkiyə modeli əsasında ordu quruculuğunu sürətləndirməsi ilə tam üst-üstə düşür. Müdafiə məsələlərinin prioritetləşdirilməsi aqressiv niyyət deyil, əksinə, mümkün təcavüzlərin qarşısını alan ən effektiv vasitədir. Prezident İlham Əliyev dəfələrlə qeyd edib ki, beynəlxalq hüquq mexanizmləri iflic olub. BMT Təhlükəsizlik Şurasının qətnamələrinin icra olunmaması faktı göstərir ki, ölkələr öz təhlükəsizliklərini təmin etmək üçün öz resurslarına arxalanmalıdırlar. Sitatda vurğulanan "heç vaxt olmadığı qədər" ifadəsi məhz bu qlobal ədalətsizliyə və beynəlxalq təsisatların zəifliyinə işarədir.
Məruzənin yekunu olaraq vurğulamaq lazımdır ki, Prezidentin təqdim etdiyi bu formula — Təhlükəsizlik + Sabitlik + Müdafiə — Azərbaycanın uğur modelidir. Bu, təkcə bizim üçün deyil, hər bir müstəqil dövlət üçün yaşamaq fəlsəfəsidir. XIII Qlobal Bakı Forumundan dünyaya verilən bu mesaj, dövlətləri real təhdidləri düzgün qiymətləndirməyə və xəyali təhlükəsizlik zəmanətlərindən xilas olmağa çağırır.
Azərbaycan nümunəsi göstərir ki, bu üç amil təmin edildikdə, ölkə həm regional liderə çevrilir, həm də qlobal enerji və nəqliyyat qovşağına çevrilərək dünya iqtisadiyyatına əvəzsiz töhfələr verir.
Prezidentin bu çağırışı həm də ondan xəbər verir ki, müasir dövrdə sülh artıq sadəcə xoş niyyət deyil, güclü hərbi çəkindirmə qabiliyyəti üzərində qurulmalıdır. Dövlət başçısının qeyd etdiyi 'bir nömrəli prioritet' prinsipi, Azərbaycanın öz ərazi bütövlüyünü bərpa etdikdən sonra belə ordu quruculuğuna ayırdığı diqqətin nə dərəcədə uzaqgörən olduğunu nümayiş etdirir. Bu yanaşma təkcə regional deyil, həm də qlobal miqyasda qeyri-sabitlik adalarına qarşı ən etibarlı qalxan rolunu oynayır. Beləliklə, təhlükəsizlik və müdafiə xərcləri bir yük deyil, ölkənin gələcək inkişafı və suverenliyi üçün qoyulan ən vacib strateji investisiyadır.
Zabrat qəsəbəsi, 192 nömrəli tam orta ümumtəhsil məktəbin
tarix müəllimi Sofuyeva Ülviyyə

]]> admin Mon, 16 Mar 2026 19:33:18 +0400