Tədbirdə Şəhid ailələri və Vətən Müharibəsinin Əlilləri, Aprel döyüşlərinin qəhrəmanları, birinci Qarabağ münaqişəsinin iştirakçıları,
Millət vəkilləri, QHT və KİV rəhbərləri, "Qayğıya ehtiyacı və Əlilliyi olan Şəxslərə Dəstək" İctimai Birliyinin idarə heyəti və fəal üzvüləri iştirak edərək çıxış ediblər.
Birliyin sədri Yasəmən Qəyyumlu tədbiri giriş sözü ilə açaraq qeyd edib ki, təşkilat olaraq bu tədbiri keçirməkdə məqsəd ölkəmizin dəyərli şəxsləri ilə bir araya gələrək, onlara təşkilatın gördüyü işləri və əsas prinsipləri ilə tanış etməkdir.
Təşkilatımızın əsas prinsipi ölkə Başçısı Cənab İlham Əİliyevin apardığı uğurlu daxili və xarici siyasəti dəstəkləyərək, onun ölkə vətəndaşlarına, xüsusilə şəhid ailələrinə və qazilərə göstərdiyi diqqət və qayğı yönümündə gördüyü işlərə ictimai dəstək olmaqdır.
Biz də bir vətəndaş cəmiyyəti institutu olaraq, vətəndaş cəmiyyətinə işgüzar fəaliyyətimizlə xidmət göstərərək öz töhvələrimizi veririk, gələcəkdə daha böyük Layihələr həyata keçirməyi planlaşdırırıq. Hal-hazırda təşkilatımızın bir neçə nümayəndəlikləri fəaliyyət göstərir. Yeni Üzvlərlə sıralarımız genişlənir. Əhatə dairəmizi və iş planlarımızı genişləndirmək üçün var gücümüzlə çalışırıq.
Birlik sədri çıxışında bir daha vurğuladı ki, ictimai birlik olaraq, əsas məqsəd ehtiyacı olan insanlara, Şəhid ailələrinə və qazilərə hər tərəfli diqqət və qayğı göstərmək , onların qarşılaşdığı mövcud problemlərin həlli istiqamətində yardımçı olmaqdır.
Birliyimiz adından dəvətimizi qəbul edib tədbirə gələn bütün qonaqlara təşəkkür edirik!
Televiziya kanalları və sayt rəhbərlərinə zəhmət çəkərək gəlib işıqlandırdıqlarına dərin minnətdarlığımızı bildiririk!
Fərid Faiqoğlu
AJB-nin üzvü
