http://102xeber.com/ ru 102xeber.com DataLife Engine http://102xeber.com/7646-kamalddin-qafarov-rqmsal-transformasiya-iqtisadi-inkiafla-birbaa-baldr.html http://102xeber.com/7646-kamalddin-qafarov-rqmsal-transformasiya-iqtisadi-inkiafla-birbaa-baldr.html ]]>

“Müasir dövrdə dövlətlərin rəqabət qabiliyyəti təkcə təbii resursları və ya iqtisadi potensialı ilə deyil, rəqəmsal transformasiyanı nə dərəcədə uğurla həyata keçirməsi ilə də müəyyən olunur.” 

Bu fikri Milli Məclisin deputatı Kamaləddin Qafarov mətbuata verdiyi açıqlamasında deyib.
           
O, bildirib ki, son illərdə Azərbaycanda bu istiqamətdə həyata keçirilən ardıcıl islahatlar göstərir ki, ölkə artıq rəqəmsallaşmanı ayrıca bir sahə kimi deyil, ümumi inkişaf strategiyasının əsas sütunlarından biri kimi qəbul edir. “Prezident İlham Əliyevin rəhbərliyi ilə formalaşdırılan dövlət siyasəti bu sahədə uzunmüddətli hədəfləri müəyyənləşdirməklə yanaşı, onların icrasını təmin edən institusional mexanizmləri də formalaşdırır. Cari ilin fevral ayında dövlət başçısının sədrliyi ilə keçirilmiş müşavirədə qəbul edilən qərarlar Azərbaycanın rəqəmsal inkişaf mərhələsində yeni səhifə açdı. Ardınca təsdiq edilən 2026–2028-ci illəri əhatə edən Fəaliyyət Planı rəqəmsallaşma, süni intellekt, innovasiya və kibertəhlükəsizlik istiqamətlərində qarşıdakı dövrün əsas prioritetlərini müəyyən etdi. Bu sənədin mühüm xüsusiyyətlərindən biri onun ayrı-ayrı layihələrin məcmusu deyil, vahid strateji inkişaf konsepsiyasının tərkib hissəsi kimi hazırlanmasıdır.”        
           
Millət vəkili deyib ki, dövlət idarəçiliyinin optimallaşdırılması, beynəlxalq reytinqlərdə Azərbaycanın mövqeyinin gücləndirilməsi və rəqəmsal iqtisadiyyatın inkişafı bu yanaşmanın əsas məqsədləridir: “Əlbəttə ki, bu prosesdə Azərbaycan Respublikasının Rəqəmsal İnkişaf Şurasının yaradılması xüsusi əhəmiyyət daşıyır. Şuranın bu il iyunun 29-da keçirilən ilk iclasında çıxış edən Birinci vitse-prezident Mehriban Əliyeva vurğuladı ki, əsas məqsəd müxtəlif dövlət qurumlarının fəaliyyətinin əlaqələndirilməsi, vahid yanaşmanın formalaşdırılması və qəbul olunan qərarların vaxtında, səmərəli icrasının təmin edilməsidir. Bu yanaşma rəqəmsallaşmanı yalnız texnoloji yenilənmə kimi deyil, idarəetmə mədəniyyətinin müasirləşdirilməsi prosesi kimi təqdim edir. Çıxışda diqqət mərkəzinə çəkilən digər mühüm məqam rəqəmsal transformasiyanın iqtisadi inkişafla birbaşa bağlı olmasıdır. Qeyd olunduğu kimi, yeni texnologiyaların tətbiqi ölkə iqtisadiyyatına əlavə impuls verməli, müasir innovasiya ekosistemi formalaşdırmalı, investisiyaların cəlbini sürətləndirməli və dövlət idarəçiliyinin səmərəliliyini artırmalıdır. Bu baxış rəqəmsal inkişafın yalnız texniki yeniliklərlə məhdudlaşmadığını, onun iqtisadi və institusional modernləşmənin əsas alətlərindən birinə çevrildiyini göstərir. Təsadüfi deyil ki, Fəaliyyət Planı ölkədə qəbul olunmuş digər strateji sənədlərlə tam uzlaşdırılıb. Rəqəmsal inkişaf, informasiya təhlükəsizliyi, kibertəhlükəsizlik və süni intellekt üzrə müəyyən edilmiş prioritetlərin vahid idarəetmə modeli çərçivəsində əlaqələndirilməsi dövlət siyasətinin ardıcıllığını və sistemliliyini təmin edir. Dövlət qurumlarında rəqəmsallaşma təşəbbüslərinə rəhbər müavini səviyyəsində məsul şəxslərin müəyyənləşdirilməsi isə qəbul olunan qərarların operativ və məsuliyyətli icrasına xidmət edən mühüm institusional addımdır. Bütün bunlar göstərir ki, Azərbaycanda rəqəmsal transformasiya artıq ayrıca layihələr toplusu deyil, dövlət idarəçiliyinin yeni inkişaf fəlsəfəsinə çevrilməkdədir. Prezident İlham Əliyevin müəyyən etdiyi strateji kurs və Birinci vitse-prezident Mehriban Əliyevanın rəhbərliyi ilə həyata keçirilən koordinasiya mexanizmləri bu sahədə institusional dayanıqlığı gücləndirir. Nəticə etibarilə, ölkənin rəqəmsal gələcəyini təmin edəcək müasir idarəetmə modeli formalaşır və bu model Azərbaycanın innovativ inkişaf yolunda mövqeyini daha da möhkəmləndirir”.

]]> admin Sat, 04 Jul 2026 10:05:24 +0400 http://102xeber.com/7645-kamalddin-qafarov-olkmiz-avropann-etibarl-trfdana-cevrilir.html http://102xeber.com/7645-kamalddin-qafarov-olkmiz-avropann-etibarl-trfdana-cevrilir.html ]]>

 “Avropa Komissiyasının Prezidenti Ursula Fon der Lyayenin iyulun 1-də ölkəmizə səfəri Azərbaycan-Avropa İttifaqı əməkdaşlığının yeni mərhələyə keçid etməsinin daha bir təsdiqi oldu.” 

Bu fikri mətbuata açıqlamasında Milli Məclisin deputatı Kamaləddin Qafarov səsləndirib.
        
Onun fikrincə,  Prezident İlham Əliyevin bu səfər münasibətilə mətbuata verdiyi bəyanat göstərdi ki, Azərbaycan–Avropa İttifaqı əməkdaşlığı artıq yalnız ənənəvi enerji resursları ilə məhdudlaşmır. “Son illər həyata keçirilən məqsədyönlü dövlət siyasəti nəticəsində ölkəmiz “yaşıl enerji” sahəsində də Avropanın mühüm tərəfdaşlarından birinə çevrilməkdədir. Bu isə Azərbaycanın beynəlxalq enerji siyasətində yeni mərhələnin başlanğıcını ifadə edir. Dünya enerji bazarında baş verən dəyişikliklər, iqlim dəyişiklikləri ilə mübarizə və bərpaolunan enerji mənbələrinin inkişafı qlobal gündəliyin əsas istiqamətlərindən birinə çevrilib. Azərbaycan da bu proseslərin fəal iştirakçısı kimi öz enerji strategiyasını zamanın çağırışlarına uyğun şəkildə yeniləyir. Dövlət başçısının bəyanatında səsləndirilən faktlar göstərir ki, ölkəmiz artıq təkcə neft və təbii qaz ixrac edən dövlət deyil, həm də gələcəyin təmiz enerji istehsalçılarından biri olmağa hazırlaşır.”     
          
Millət vəkili bildirib ki, Avropa İttifaqı ilə əməkdaşlığın xüsusi əhəmiyyət daşıması təsadüfi deyil: “Məlumdur ki, Avropa enerji təhlükəsizliyini gücləndirməklə yanaşı, karbon emissiyalarının azaldılması və alternativ enerji mənbələrinin genişləndirilməsi məqsədlərini də prioritet elan edib. Azərbaycanın həyata keçirdiyi layihələr isə məhz bu strateji məqsədlərlə üst-üstə düşür. Mövcud elektrik ötürücü xətlərinin modernləşdirilməsi və yeni enerji marşrutlarının yaradılması ölkəmizi Avropanın enerji keçidində etibarlı tərəfdaşa çevirir. Diqqətçəkən məqamlardan biri də odur ki, Azərbaycan enerji siyasətini yalnız iqtisadi gəlir mənbəyi kimi deyil, həm də beynəlxalq əməkdaşlığın möhkəmləndirilməsi vasitəsi kimi qiymətləndirir. Bu yanaşma ölkəmizin uzun illər ərzində formalaşdırdığı etibarlı tərəfdaş imicini daha da gücləndirir. Təsadüfi deyil ki, Avropa Komissiyasının rəhbərliyi enerji sahəsində əməkdaşlığın yeni istiqamətlərini məhz Bakı ilə müzakirə edir və Azərbaycanın bu sahədəki potensialını yüksək qiymətləndirir. Yaşıl enerji layihələrinin həyata keçirilməsi eyni zamanda Azərbaycanın iqtisadi inkişaf strategiyasının mühüm tərkib hissəsidir. Yeni investisiyaların cəlb olunması, müasir texnologiyaların tətbiqi, yüksək ixtisaslı insan kapitalının formalaşdırılması və enerji ixracının şaxələndirilməsi ölkənin dayanıqlı inkişafına əlavə imkanlar yaradır. Bu proses Qarabağ və Şərqi Zəngəzurda həyata keçirilən “yaşıl enerji zonası” konsepsiyasının reallaşdırılmasına da mühüm töhfə verir”.

]]> xeber Fri, 03 Jul 2026 13:10:22 +0400 http://102xeber.com/siyaset/7644-azrbaycanda-polis-gunudur.html http://102xeber.com/siyaset/7644-azrbaycanda-polis-gunudur.html ]]>

İyulun 2-də Azərbaycan Polisinin yaranmasının 108-ci ildönümü qeyd olunur.

1918-ci il iyulun 2-də Azərbaycan Xalq Cümhuriyyəti hökumətinin qərarı ilə ilk milli polis orqanları yaradılıb. Ümummilli Lider Heydər Əliyevin 1998-ci ildə imzaladığı Fərmanla həmin tarixi gün “Azərbaycan Polisi Günü” elan edilib. Beləliklə, milli dövlətçilik tariximizin mühüm institusional ənənələrindən biri bərpa olunaraq əbədiləşdirilib.

Azərbaycan polisi ilk növbədə, cinayətkarlıqla mübarizə və ictimai asayişin təmin olunmasında müstəsna xidmətləri ilə yanaşı, dövlətin gücünü qanunlarla, vətəndaşın təhlükəsizliyini məsuliyyətlə, sabitliyi isə gündəlik fədakar xidmətlərilə təmin edən mühüm dövlət təsisatıdır.

Ulu Öndər Heydər Əliyevin ifadə etdiyi kimi:

“Polis Azərbaycan dövlətinin, xalqımızın keşiyində duran mübariz bir orqandır!”

Verilən ali qiymət Azərbaycan polisinin keçdiyi şərəfli yolun mahiyyətini dəqiq ifadə edir.

Ümummilli Liderin 1969-cu ildə Azərbaycana rəhbər seçilməsindən sonra daxili işlər orqanlarında peşəkarlığın yüksəldilməsi, şəxsi heyətin vətənpərvərlik və dövlətçilik ruhunda formalaşdırılması, milli kadrlara geniş meydan verilməsi əsas siyasətə çevrildi. Müstəqillik dövründə isə polis orqanlarının yenidən qurulması dövlətin qorunmasının və sabitliyin təmin edilməsinin mühüm şərtlərindən biri oldu.

Heydər Əliyevin 1990-cı ildə Naxçıvana qayıdışı yeni tarixi mərhələnin başlanğıcı idi. Blokada və hərbi təhlükələr şəraitində Naxçıvanın müdafiə olunması, milli rəmzlərin bərpası, idarəçilik sisteminin möhkəmləndirilməsi bütöv Azərbaycanın gələcək dövlət modelinin əsaslarını yaratdı.

1993-cü ildə Ulu Öndərin xalqın təkidli tələbi ilə siyasi hakimiyyətə ikinci dəfə qayıdışından sonra dövlətçilik iradəsi bütün Azərbaycan miqyasında həyata keçirildi. Ölkədə hökm sürən anarxiyanın, qanunsuz silahlı dəstələrin, siyasi qarşıdurmaların və vətəndaş müharibəsi təhlükəsinin qarşısının alınmasında yenidən formalaşdırılan daxili işlər orqanlarının mühüm rolu oldu.

Prezident İlham Əliyev həmin dövrü qiymətləndirərkən bildirib ki, Ulu Öndərin rəhbərliyi dövründə polis orqanlarının müasir səviyyədə formalaşdırılmasına böyük təkan verildi, sağlam xidmət mühiti yaradıldı və polisin öz vəzifə borcunu ləyaqətlə yerinə yetirməsi ölkənin ümumi inkişafına müsbət təsir göstərdi. Dövlət başçısının vurğuladığı kimi, sabitlik bütün inkişafın təməlində dayanan əsas amildir.

Azərbaycan polisi dövlətimizin ərazi bütövlüyü uğrunda gedən döyüşlərdə də öz tarixi missiyasını yerinə yetirib. Daxili işlər orqanları və Daxili Qoşunlar sıralarından çoxsaylı əməkdaş və hərbi qulluqçu şəhidlik zirvəsinə yüksəlib. Onlar xidməti vəzifələrini yüksək milli amallarla yerinə yetirən əməkdaşlar kimi dövlətimizin müstəqilliyi və torpaqlarımızın müdafiəsi naminə həyatlarını qurban verən Vətən övladlarıdır.

Peşə bayramını qeyd edərkən şəhid polis əməkdaşlarının və Daxili Qoşunların qəhrəman hərbi qulluqçularının əziz xatirəsini dərin ehtiramla yad edirik. Onların ailələri dövlətimizin və xalqımızın daim diqqətindədir.

Azərbaycan polisi Vətən müharibəsi dövründə də Silahlı Qüvvələrimizin yanında oldu, üzərinə düşən döyüş və təhlükəsizlik vəzifələrini şərəflə yerinə yetirdi. Qələbədən sonra isə daxili işlər orqanlarının qarşısında tamamilə yeni vəzifələr meydana çıxdı.

İşğaldan azad olunmuş torpaqlarda dövlət sərhədlərinin, strateji obyektlərin, yaşayış məntəqələrinin və insanların təhlükəsizliyinin təmin edilməsi, qanunsuz saxlanılmış silah-sursatın, mina və partlayıcıların aşkar olunması, təhlükəli ərazilərə icazəsiz girişlərin qarşısının alınması, yolların və ictimai məkanların qorunması məhz həmin yeni vəzifələrin mühüm hissəsidir.

Lakin artıq söhbət yalnız müharibədən sonrakı təhlükəsizlik tədbirlərindən getmir. Yeni Qarabağ və Şərqi Zəngəzurda Böyük Qayıdış həyata keçirilir, şəhərlər və kəndlər təzədən qurulur, insanlar öz doğma yurdlarına qayıdırlar. Deməli, polis də həmin ərazilərdə müvəqqəti təhlükəsizlik missiyasından dayanıqlı məskunlaşmanın və yeni ictimai həyatın qorunması missiyasına keçir.

Böyük Qayıdışın gerçəkləşdirilməsi ilə əlaqədar polis orqanlarının və Daxili Qoşunların fəaliyyəti yeni şəraitə uyğunlaşdırılıb, azad edilmiş ərazilərdə asayişin və təhlükəsizliyin təmin olunması böyük əzm və peşəkarlıqla davam etdirilir.

Azərbaycan polisi yeni Vətən quruculuğunun hüquq və təhlükəsizlik sütunlarından biridir.

Yeni Vətən qurmaq insanların əmin-amanlıq içində yaşadığı, qanunun işlədiyi, uşaqların təhlükəsiz böyüdüyü və vətəndaşın öz dövlətinin himayəsini gündəlik həyatında hiss etdiyi mühit yaratmaqdır.

21-ci əsrin dördə birini arxada qoyan dünyada polis orqanlarının qarşısındakı dayanan çağırışlar və təhlükələr də dəyişib.

Əvvəllər cinayət anlayışı əsasən küçədə, mənzildə, nəqliyyatda və fiziki məkanda törədilən hüquqazidd əməllərlə əlaqələndirilirdisə, indi cinayətlərin mühüm hissəsi sərhədsiz rəqəmsal məkana keçir. Kiberdələduzluq, bank kartlarından vəsaitlərin oğurlanması, saxta elektron platformalar, sosial şəbəkələr vasitəsilə narkotiklərin satışı, fərdi məlumatların ələ keçirilməsi və insanlara rəqəmsal təzyiq yeni kommunikasiya inqilabının yaratdığı təhlükələrdir.

Daxili İşlər Nazirliyində Kibercinayətkarlıqla Mübarizə Mərkəzinin yaradılması, müasir texnologiyaların tətbiqi, elektron xidmətlərin genişləndirilməsi və peşəkar kadr hazırlığı bu çağırışlara verilən institusional cavabdır. DİN-in rəsmi mövqeyində də kiberməkanda törədilən dələduzluqların, bank kartlarından pul vəsaitlərinin talanmasının və narkotiklərin onlayn dövriyyəsinin qarşısının alınması polisin əsas vəzifələrindən biri kimi göstərilir.

Əlbəttə, müasir cəmiyyətlərin polisə olan tələbləri daim yüksəlir. Vətəndaş polis əməkdaşında qanununçuluq, ədalətli münasibət, operativlik, nəzakət və məsuliyyət keyfiyyətlərinin rəhbər tutulmasını istəyir. Buna görə də polis-vətəndaş münasibətlərinin daim təkmilləşdirilməsi, müraciətlərə çevik baxılması, şəffaflığın artırılması və insan hüquqlarına həssas münasibət daxili işlər orqanlarının nüfuzunu daha da gücləndirən əsas amillərdir.

Prezident İlham Əliyev Azərbaycan polisini güclü nizam-intizama, yüksək peşəkarlığa və müasir maddi-texniki imkanlara malik mühüm dövlət təsisatı kimi qiymətləndirərək, onun fəaliyyətini müasir tələblərə uyğun daim təkmilləşdirməsinin vacibliyini vurğulayıb.

Polis əməkdaşı gecə-gündüz, bayram və istirahət günlərində, sərt hava şəraitində, təhlükəli əməliyyatlarda, insanların ən çətin anlarında öz xidməti vəzifəsini yerinə yetirir. Bəzən bir cinayətin qarşısının alınması, itkin düşmüş uşağın tapılması, təhlükədə olan ailənin xilas edilməsi, ağır yol hadisəsində insanların həyatının qorunması arxasında polis əməkdaşının saatlarla, günlərlə davam edən görünməz zəhməti dayanır.

Polisin xidməti çox zaman başqalarının rahatlığı naminə öz rahatlığından imtina etməkdir.

Polisin xidməti müstəqil dövlətə və xalqa sədaqət andıdır.

2 İyul - Azərbaycan Polisi Günü münasibətilə bütün hüququ-mühafizə orqanlarını və polis əməkadaşlarını səmimi-qəlbdən təbrik edirik.

Azərbaycan polisinin yolu dövlətçiliyin qorunmasından Zəfərə, Qələbədən isə Böyük Qayıdışa və yeni Vətən quruculuğuna uzanan şərəfli xidmət yoludur.

Bayramınız mübarək, əziz Azərbaycan polisi!

]]> admin Thu, 02 Jul 2026 01:35:19 +0400 http://102xeber.com/7643-yolustu-restoran-uzun-yolun-n-rahat-dayanaca-lzztli-fasilnin-unvan.html http://102xeber.com/7643-yolustu-restoran-uzun-yolun-n-rahat-dayanaca-lzztli-fasilnin-unvan.html
]]>
Uzun yol səfərlərində rahatlıq, keyfiyyətli xidmət və dadlı yeməklər hər bir yolçu üçün xüsusi əhəmiyyət daşıyır. Məhz bu baxımdan Salyan yolunda yerləşən “Yolüstü” Restoranı sürücülərin, ailələrin və səyyahların böyük məmnuniyyətlə üz tutduğu məkanlardan biridir. Burada verilən qısa bir fasilə belə insana yeni enerji bəxş edir və yolu daha rahat davam etdirməyə imkan yaradır.
Restoranın rəhbəri Rövşən Abdullayev fəaliyyətində qonaqpərvərliyi və yüksək xidmət keyfiyyətini əsas prinsip kimi müəyyənləşdirib. Onun rəhbərliyi ilə "Yolüstü" Restoranı təkcə yol kənarında yerləşən iaşə obyekti deyil, insanların rahatlıqla istirahət etdiyi, ləzzətli yeməklərdən zövq aldığı və yenidən yola gümrah davam etdiyi etibarlı məkana çevrilib.
Restoranın ən böyük üstünlüklərindən biri geniş və rahat ərazisidir. Böyük avtomobil dayanacağı sayəsində minik avtomobilləri, mikroavtobuslar və digər nəqliyyat vasitələri rahatlıqla park edilir. Bu isə həm ailəvi səyahət edənlər, həm də peşəkar sürücülər üçün əlavə rahatlıq yaradır.
Geniş oturma zalları və rahat istirahət sahələri qonaqların komfortu nəzərə alınaraq hazırlanıb. Burada təkcə yemək yemək deyil, həm də bir qədər dincəlmək, çay süfrəsi arxasında söhbət etmək və uzun yolun yorğunluğunu çıxarmaq mümkündür. Rahat atmosfer hər kəsi özünə cəlb edir.
"Yolüstü" Restoranının zəngin menyusunda Azərbaycan milli mətbəxinin ən sevilən təamları xüsusi yer tutur. Müxtəlif kabab növləri, isti yeməklər, şorbalar, təndir çörəyi, salatlar və digər ləzzətlər hər gün təzə məhsullardan hazırlanaraq qonaqlara təqdim olunur. Hər yemək ev dadını xatırladan xüsusi ləzzəti ilə seçilir.
Yeməkdən sonra təqdim olunan isti çay isə burada istirahətin ayrılmaz hissəsinə çevrilib. Uzun yolun ardından samovar çayı içərək rahat mühitdə dincəlmək qonaqlara xüsusi zövq verir. Elə buna görə də bir dəfə burada dayanan insanların çoxu növbəti səfərlərində də eyni ünvanı seçirlər.
"Yolüstü" Restoranı günün istənilən saatında qonaqlarını qəbul edir. Həftənin yeddi günü, günün iyirmi dörd saatı fəaliyyət göstərən restoran gecə və gündüz yolda olan hər kəs üçün etibarlı dayanacaqdır. İstənilən vaxt burada isti yemək, təzə çay və yüksək xidmət sizi gözləyir.
Rövşən Abdullayev hesab edir ki, yol kənarında fəaliyyət göstərən restoranın əsas missiyası insanlara sadəcə yemək təqdim etmək deyil, həm də onlara rahatlıq, təhlükəsizlik və xoş əhval bəxş etməkdir. Məhz buna görə də restoranda təmizlik, operativ xidmət və qonaq məmnuniyyəti daim diqqət mərkəzində saxlanılır.
Bu gün "Yolüstü" Restoranı Salyan istiqamətində hərəkət edən minlərlə insanın etibar etdiyi ünvanlardan biridir. İstər ailənizlə səyahət edərkən, istər işgüzar səfərdə, istərsə də uzaq yol qət edərkən burada rahat fasilə verə, ləzzətli yeməklərdən dada, isti çayınızı içərək yeni enerji ilə yolunuza davam edə bilərsiniz.
Yolunuz Salyan istiqamətindədirsə, mütləq “Yolüstü” Restoranında dayanmağa dəyər. Çünki burada sizi dadlı təamlar, geniş və rahat istirahət sahəsi, səmimi xidmət və əsl Azərbaycan qonaqpərvərliyi gözləyir.
📍 Ünvan: Ələt–Astara yolu, 70-ci kilometr
🕒 Fəaliyyət: Həftənin 7 günü, 24 saat
“Yolüstü” Restoranı – yolunuzun ən rahat dayanacağı, istirahətinizin ən doğru ünvanı.

]]> xeber Wed, 01 Jul 2026 12:34:29 +0400 http://102xeber.com/7642-xeyirxahl-sahibkarlq-uurlar-v-insanlara-verdiyi-dyrl-seciln-nufuzlu-i-adam-min-marketlr-bksinin-rhbri-mmmd-mnsimov.html http://102xeber.com/7642-xeyirxahl-sahibkarlq-uurlar-v-insanlara-verdiyi-dyrl-seciln-nufuzlu-i-adam-min-marketlr-bksinin-rhbri-mmmd-mnsimov.html
]]>
Azərbaycan sahibkarlığının inkişafında öz zəhməti, dürüst fəaliyyəti və cəmiyyətə fayda verən təşəbbüsləri ilə seçilən iş adamlarından biri də Sabirabad rayonunda fəaliyyət göstərən, “Əmin” marketlər şəbəkəsinin rəhbəri Məmməd Mənsimovdur. O, illər ərzində formalaşdırdığı işgüzar nüfuzu, insanlara olan səmimi münasibəti, sahibkarlığa məsuliyyətli yanaşması və sosial layihələrdə fəallığı ilə geniş ictimaiyyətin hörmətini qazanmış nüfuzlu sahibkarlardandır. Onun rəhbərlik etdiyi “Əmin” marketlər şəbəkəsi bu gün təkcə keyfiyyətli ticarət xidməti göstərən müəssisə deyil, həm də insanların etibar etdiyi, minlərlə ailənin dolanışığında mühüm rol oynayan böyük əmək kollektividir.
Məmməd Mənsimov üçün sahibkarlıq yalnız gəlir əldə etmək məqsədi daşımır. O, sahibkarlığı insanların rifahına xidmət edən böyük bir missiya kimi qəbul edir. Bu düşüncə tərzi onun bütün fəaliyyətində aydın hiss olunur. Rəhbərlik etdiyi müəssisələrdə yüzlərlə əməkdaşın sabit iş yeri ilə təmin olunması, minlərlə ailənin dolanışığının bu müəssisələr vasitəsilə formalaşması onun sosial məsuliyyət hissinin ən parlaq göstəricilərindən biridir. O, hər zaman hesab edir ki, iş adamının uğuru yalnız qazandığı nailiyyətlərlə deyil, insanların həyatına verdiyi fayda ilə ölçülməlidir.
“Əmin” marketlər şəbəkəsinin fəaliyyətində əsas prioritetlərdən biri müştəri məmnuniyyəti, keyfiyyət və etibardır. Məmməd Mənsimov hər zaman məhsulların keyfiyyətinə, xidmət mədəniyyətinə və istehlakçıların rahatlığına xüsusi diqqət yetirir. Müasir ticarət prinsiplərinə əsaslanan idarəçilik sistemi, səmərəli iş mühiti və peşəkar kollektiv sayəsində rəhbərlik etdiyi müəssisə bölgədə etibarlı ticarət ünvanlarından birinə çevrilmişdir. Bu etimad illərlə formalaşan dürüst fəaliyyətin və məsuliyyətli sahibkarlığın nəticəsidir.
Onun sahibkarlıq fəaliyyətində insan amili xüsusi yer tutur. Məmməd Mənsimov işçilərinə yalnız əməkdaş kimi deyil, böyük bir ailənin üzvləri kimi yanaşır. Əmək kollektivində qarşılıqlı hörmətin, sosial təminatın və sağlam iş mühitinin qorunmasına xüsusi önəm verir. Məhz bu yanaşma müəssisənin dayanıqlı inkişafını təmin edən əsas amillərdən biri hesab olunur. İnsanlara dəyər verən rəhbər kimi qazandığı hörmət onun uzun illərdir uğurla fəaliyyət göstərməsinin başlıca səbəblərindəndir.
Məmməd Mənsimov xeyirxahlığı ilə də seçilən iş adamıdır. O, müxtəlif vaxtlarda aztəminatlı ailələrə göstərdiyi yardımlar, ehtiyac içində yaşayan insanların problemlərinin həllinə verdiyi dəstək və sosial aksiyalarda fəal iştirakı ilə böyük rəğbət qazanıb. Bayram günlərində yüzlərlə ailənin sevincinə şərik olmaq, ehtiyac sahiblərinə ərzaq yardımları göstərmək, çətin vəziyyətdə olan insanların yanında olmaq onun həyat prinsiplərindən biridir. O, bu xeyirxah əməlləri heç vaxt nümayiş üçün deyil, insanlıq borcu kimi həyata keçirir.
Vətən uğrunda canlarını fəda etmiş şəhidlərimizin ailələrinə və sağlamlıqlarını itirmiş qazilərimizə göstərdiyi diqqət və qayğı da Məmməd Mənsimovun yüksək vətənpərvərlik hissindən irəli gəlir. O, şəhid ailələrinin və qazilərimizin hər zaman dövlətin və cəmiyyətin diqqət mərkəzində olmasını vacib hesab edir, müxtəlif sosial təşəbbüslərdə onların yanında olmağa çalışır. Şəhid ailələrinə göstərilən hörmətin və qazilərimizə verilən dəyərin Azərbaycanın gələcəyinə xidmət edən müqəddəs vəzifə olduğunu daim vurğulayır.
Məmməd Mənsimov dövlətçilik prinsiplərinə sadiq mövqeyi ilə də tanınır. O, Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən iqtisadi inkişaf siyasətini, sahibkarlığın inkişafına göstərilən dövlət dəstəyini və regionların sosial-iqtisadi inkişafı istiqamətində görülən işləri yüksək qiymətləndirir. Onun fikrincə, ölkədə sahibkarlığın inkişafı üçün yaradılmış əlverişli şərait hər bir iş adamını daha məsuliyyətli çalışmağa sövq edir. Bu səbəbdən də o, fəaliyyətində dövlət maraqlarını və milli dəyərləri hər zaman ön planda saxlayır.
Sabirabad rayonunda həyata keçirdiyi sahibkarlıq fəaliyyəti təkcə iqtisadi göstəricilərlə məhdudlaşmır. O, rayonun sosial həyatında da fəal iştirak edir, insanların problemlərinə biganə qalmır, müxtəlif ictimai təşəbbüsləri dəstəkləyir və hər zaman cəmiyyətə faydalı olmağa çalışır. Onun sadəliyi, səmimiyyəti, insanlarla ünsiyyətdə göstərdiyi yüksək mədəniyyət və təvazökarlığı onu hər kəsə sevdirən əsas xüsusiyyətlərdəndir.
Peşəkarlıq, dürüstlük, məsuliyyət və etibar Məmməd Mənsimovun sahibkarlıq fəlsəfəsinin əsas prinsiplərini təşkil edir. O, hesab edir ki, uzunömürlü uğur yalnız vicdanlı əməyin, dürüst münasibətin və insanların etimadını qazanmağın nəticəsində mümkündür. Buna görə də rəhbərlik etdiyi müəssisələrdə keyfiyyət standartlarına ciddi riayət olunur, müştərilərin məmnunluğu daim diqqət mərkəzində saxlanılır və hər bir əməkdaşın peşəkar inkişafına xüsusi önəm verilir.
Bu gün Məmməd Mənsimovun adı Sabirabad rayonunda və ölkənin sahibkarlıq mühitində etibarlı iş adamı, xeyirxah insan, sosial məsuliyyət daşıyan sahibkar və dövlətinə bağlı şəxsiyyət kimi hörmətlə çəkilir. Onun rəhbərlik etdiyi “Əmin” marketlər şəbəkəsi minlərlə ailənin gündəlik ehtiyaclarını qarşılayan etibarlı ticarət ünvanı olmaqla yanaşı, yüzlərlə insan üçün sabit iş yeri və dolanışıq mənbəyidir. İnsanlara xidmət etməyi, xeyirxahlıq etməyi, şəhid ailələrinin və qazilərimizin yanında olmağı özünə mənəvi borc bilən Məmməd Mənsimov fəaliyyəti ilə sübut edir ki, əsl sahibkarlıq yalnız iqtisadi uğur deyil, həm də cəmiyyət qarşısında məsuliyyət, dövlətə sədaqət və insanlara fayda vermək kimi ali dəyərlərin vəhdətidir. Məhz bu xüsusiyyətlər onu geniş hörmət qazanan, nümunə göstərilən və daim rəğbətlə xatırlanan nüfuzlu iş adamlarından birinə çevirir.

]]> xeber Wed, 01 Jul 2026 12:33:12 +0400 http://102xeber.com/7641-kamalddin-qafarov-milli-ordumuz-azrbaycann-razi-butovluyunu-tam-kild-brpa-etdi.html http://102xeber.com/7641-kamalddin-qafarov-milli-ordumuz-azrbaycann-razi-butovluyunu-tam-kild-brpa-etdi.html ]]>

“Azərbaycan xalqı artıq altıncı ildir ki, 26 iyun – Silahlı Qüvvələr Gününü qalib xalq kimi böyük qürur və təntənə ilə qeyd edir.” 

Bu fikirləri Milli Məclisin deputatı Kamaləddin Qafarov Silahlı Qüvvələr Günü münasibətilə mətbuata verdiyi açıqlamasında bildirib.
        
O, qeyd edib ki, Azərbaycanın milli ordu quruculuğu tarixinin ən mühüm səhifələri Ümummilli Lider Heydər Əliyevin adı ilə bağlıdır. “Məhz 1969-cu ildə Ulu Öndərin respublika rəhbərliyinə gəlməsindən sonra ölkəmizdə peşəkar hərbi kadrların hazırlanmasına xüsusi diqqət yetirilməyə başlandı. Bu istiqamətdə atılan ən mühüm addımlardan biri  1971-ci ildə Cəmşid Naxçıvanski adına Hərbi Liseyin yaradılması oldu. O dövrün siyasi reallıqlarını nəzərə alsaq, SSRİ-nin ən qüdrətli çağında Azərbaycanda milli hərbi məktəbin yaradılmasına nail olmaq olduqca mürəkkəb və məsuliyyətli məsələ idi. Bu baxımdan həmin qərar uzaqgörən dövlətçilik düşüncəsinin təzahürü kimi qiymətləndirilməlidir. Tarix göstərdi ki, bu addım Azərbaycanın gələcək müstəqilliyi və milli ordusunun formalaşması üçün möhkəm təməl yaradıb. Müstəqilliyin bərpasından sonra Cəmşid Naxçıvanski adına Hərbi Lisey ölkənin hərbi kadr potensialının formalaşmasında mühüm rol oynadı və ordu quruculuğunun əsas dayaqlarından birinə çevrildi. Bütün bunlar bir daha təsdiq edir ki, Azərbaycanda ordu quruculuğunun ən mühüm və həlledici mərhələləri məhz Ümummilli Lider Heydər Əliyevin adı ilə bağlıdır.”        
       
Millət vəkili bildirib ki, 1993-cü ildə xalqın tələbi ilə siyasi hakimiyyətə qayıdan Ulu Öndər Heydər Əliyev dövlət quruculuğu ilə yanaşı, ordu quruculuğu sahəsini də prioritet istiqamət kimi müəyyənləşdirdi: “Ümummilli Liderin hakimiyyətə qayıdışından sonra qısa müddət ərzində Silahlı Qüvvələrin formalaşdırılması istiqamətində genişmiqyaslı islahatlar həyata keçirildi, müxtəlif qoşun növlərinin təşkili sürətləndirildi, hərbi idarəetmə sistemi təkmilləşdirildi və müasir qanunvericilik bazası yaradıldı. Ulu Öndərin 22 may 1998-ci il tarixli Fərmanına əsasən, Azərbaycan Xalq Cümhuriyyəti dövründə Əlahiddə Azərbaycan Korpusunun yaradıldığı 26 iyun tarixi Silahlı Qüvvələr Günü elan edildi və həmin tarixdən etibarən bu gün dövlət bayramı kimi qeyd olunur. Hazırda Azərbaycan Ordusu keçdiyi inkişaf yolu nəticəsində regionun ən güclü və peşəkar silahlı qüvvələrindən birinə çevrilib. 2003-cü ildən sonra Ümummilli Lider Heydər Əliyevin müəyyən etdiyi inkişaf strategiyası Prezident, Silahlı Qüvvələrin Ali Baş Komandanı cənab İlham Əliyev tərəfindən uğurla davam etdirilərək yeni mərhələyə yüksəldildi. Dövlət başçısının diqqət və qayğısı nəticəsində ordunun maddi-texniki bazası əhəmiyyətli dərəcədə möhkəmləndirildi, hərbi qulluqçuların peşəkarlığının artırılması, onların döyüş hazırlığının və mənəvi-psixoloji durumunun gücləndirilməsi daim diqqət mərkəzində saxlanıldı. Ordumuzun ən müasir silah və texnika ilə təmin olunması istiqamətində ardıcıl addımlar atıldı. Xüsusilə vurğulamaq lazımdır ki, Prezident İlham Əliyevin təşəbbüsü ilə yaradılan hərbi sənaye kompleksi bu gün minlərlə adda hərbi təyinatlı məhsul istehsal etmək imkanına malikdir. Azərbaycanın müdafiə sənayesinin məhsulları dünyanın nüfuzlu beynəlxalq sərgilərində nümayiş etdirilir. Bu isə ölkəmizin öz ordusunu zəruri silah, sursat və hərbi texnika ilə təmin etmək imkanlarını əhəmiyyətli dərəcədə genişləndirib. Azərbaycan Ordusu öz gücünü ilk növbədə 2016-cı ilin Aprel döyüşlərində nümayiş etdirdi. Ermənistanın hərbi təxribatlarına cavab olaraq həyata keçirilən uğurlu əks-hücum əməliyyatları nəticəsində düşmənə ciddi zərbə vuruldu və işğal altında olan ərazilərimizin bir hissəsi azad edildi. İki il sonra, 2018-ci ildə əldə olunan Günnüt zəfəri də ordumuzun peşəkarlığını və yüksək döyüş qabiliyyətini bir daha nümayiş etdirdi. Nəhayət, 2020-ci il sentyabrın 27-də Müzəffər Ali Baş Komandan cənab İlham Əliyevin rəhbərliyi ilə başlayan Vətən müharibəsində Azərbaycan Ordusu 44 gün ərzində möhtəşəm qələbə qazanaraq ölkəmizin ərazi bütövlüyünün böyük hissəsini bərpa etdi. 2023-cü ildə həyata keçirilən lokal xarakterli antiterror tədbirləri nəticəsində isə Azərbaycanın dövlət suverenliyi bütün ərazilərində tam təmin olundu. Qəhrəman hərbçilərimizin göstərdikləri şücaət, şəhidlərimizin müqəddəs qanı bahasına əldə edilən bu tarixi nailiyyətlər Azərbaycan xalqının şanlı Zəfər salnaməsini formalaşdırdı və ölkəmizin gücünü bütün dünyaya nümayiş etdirdi.”

]]> admin Fri, 26 Jun 2026 09:51:59 +0400 http://102xeber.com/cemiyyet/7640-niyazi-bayramov-sabitlik-v-trqqiy-xidmt-edn-trfdalq.html http://102xeber.com/cemiyyet/7640-niyazi-bayramov-sabitlik-v-trqqiy-xidmt-edn-trfdalq.html ]]>

Gəncə Şəhər İcra Hakimiyyətinin başçısı Niyazi Bayramov - Müasir beynəlxalq münasibətlər sistemində dövlətlər arasında etibarlı tərəfdaşlıq əlaqələrinin qurulması və davamlı inkişaf etdirilməsi böyük əhəmiyyət daşıyır. Xüsusilə ortaq tarixi köklərə, mədəni yaxınlığa və qarşılıqlı maraqlara malik ölkələr arasında əməkdaşlığın dərinləşdirilməsi regional sabitliyin və inkişafın mühüm amillərindən biridir. Azərbaycan və Türkmənistan arasında formalaşmış münasibətlər də məhz qarşılıqlı hörmət, etimad və dostluq prinsiplərinə əsaslanır. Son illərdə iki ölkə arasında siyasi dialoqun intensivləşməsi, iqtisadi əlaqələrin genişlənməsi və beynəlxalq təşkilatlar çərçivəsində qarşılıqlı dəstəyin güclənməsi münasibətlərin strateji səviyyəyə yüksəldiyini nümayiş etdirir.
2026-cı il iyunun 22-də Türkmənistan Prezidenti Sərdar Berdiməhəmmədovun Azərbaycana dövlət səfəri iki ölkə arasında münasibətlərin inkişafında mühüm hadisə kimi tarixə düşdü. Səfər çərçivəsində keçirilən yüksək səviyyəli görüşlər, imzalanan sənədlər və Azərbaycan Prezidenti İlham Əliyevin mətbuata bəyanatı gələcək əməkdaşlığın əsas istiqamətlərini müəyyən edən mühüm siyasi mesajlarla yadda qaldı.
Prezident İlham Əliyev mətbuata bəyanatında Azərbaycan və Türkmənistan xalqlarının əsrlər boyu ortaq tarix, dil, mədəniyyət və mənəvi dəyərlər əsasında formalaşmış qardaşlıq münasibətlərinə diqqət çəkdi. Dövlət başçısı vurğuladı ki, xalqlar arasında mövcud olan bu yaxınlıq dövlətlərarası əlaqələrin də möhkəm təməl üzərində qurulmasına imkan yaradıb. Bu gün Azərbaycan və Türkmənistan arasında əməkdaşlıq siyasi, iqtisadi, humanitar, nəqliyyat, enerji və digər sahələrdə uğurla inkişaf edir.
Səfər zamanı keçirilən həm təkbətək, həm də nümayəndə heyətlərinin iştirakı ilə baş tutan görüşlərdə ikitərəfli münasibətlərin mövcud vəziyyəti və perspektivləri ətraflı şəkildə müzakirə olundu. Tərəflər siyasi əlaqələrin yüksək səviyyədə olmasını xüsusi vurğulayaraq qarşılıqlı fəaliyyətin daha da genişləndirilməsi üçün mövcud imkanları dəyərləndirdilər. Danışıqlar zamanı iqtisadiyyat, investisiyalar, sənaye əməkdaşlığı, kənd təsərrüfatı, logistika, nəqliyyat və humanitar sahələrdə yeni təşəbbüslər ətrafında fikir mübadiləsi aparıldı.
Səfərin ən mühüm nəticələrindən biri müxtəlif sahələri əhatə edən mühüm sənədlərin imzalanması oldu. Bu sənədlər ikitərəfli münasibətlərin hüquqi bazasını daha da gücləndirməklə yanaşı, gələcək əməkdaşlığın inkişafı üçün yeni imkanlar yaradır. Xüsusilə Azərbaycan Respublikası ilə Türkmənistan arasında imzalanmış Birgə Bəyanat strateji tərəfdaşlıq münasibətlərinin daha da möhkəmləndirilməsi baxımından xüsusi əhəmiyyət kəsb edir. Həmin sənəd tərəflərin qarşılıqlı dəstək və əməkdaşlığa sadiqliyini bir daha təsdiqləyir.
Nəqliyyat və logistika sahəsində əldə olunan razılaşmalar da diqqətəlayiqdir. Azərbaycan və Türkmənistan Şərqlə Qərbi birləşdirən mühüm tranzit ölkələr kimi Avrasiya məkanında xüsusi rol oynayırlar. Xəzər dənizi üzərindən yükdaşımaların artırılması, liman infrastrukturlarının əlaqələndirilməsi və beynəlxalq nəqliyyat dəhlizlərinin imkanlarından daha səmərəli istifadə olunması regionun tranzit potensialını əhəmiyyətli dərəcədə artırır. Bu baxımdan Bakı Beynəlxalq Dəniz Ticarət Limanı ilə Türkmənbaşı Beynəlxalq Dəniz Limanı arasında əməkdaşlığın genişləndirilməsi Orta Dəhlizin inkişafına mühüm töhfə verə bilər.
Son illərdə qlobal ticarət marşrutlarının yenidən formalaşdığı bir dövrdə Azərbaycan və Türkmənistanın nəqliyyat sahəsində əməkdaşlığı daha da aktuallaşıb. Hər iki ölkə Avropa ilə Asiyanı birləşdirən alternativ və etibarlı tranzit marşrutlarının inkişafında maraqlıdır. Prezident İlham Əliyev də çıxışında vurğuladı ki, ölkələrimizin malik olduğu nəqliyyat infrastrukturu regional əməkdaşlığın genişlənməsi üçün geniş perspektivlər açır.
İqtisadi və ticarət əlaqələrinin inkişafı da danışıqların əsas mövzularından biri olub. Tərəflər qarşılıqlı ticarət dövriyyəsinin artırılması, biznes dairələri arasında əməkdaşlığın genişləndirilməsi və yeni investisiya layihələrinin həyata keçirilməsi istiqamətində fikir birliyinə gəliblər. Azərbaycan və Türkmənistan iqtisadi potensial baxımından bir-birini tamamlayan ölkələrdir və bu imkanlardan daha səmərəli istifadə olunması hər iki dövlətin iqtisadi inkişafına müsbət təsir göstərə bilər.
Enerji sahəsində əməkdaşlıq da xüsusi diqqət mərkəzində olub. Xəzər hövzəsinin mühüm enerji istehsalçıları sırasında yer alan Azərbaycan və Türkmənistan regional enerji təhlükəsizliyinin təmin edilməsində mühüm rol oynayırlar. Hər iki ölkə enerji ehtiyatlarının səmərəli istifadəsi, yeni ixrac marşrutlarının inkişafı və enerji bazarlarında sabitliyin qorunması istiqamətində ortaq maraqlara malikdir. Enerji sahəsində qarşılıqlı təcrübə mübadiləsi və birgə layihələrin həyata keçirilməsi gələcək əməkdaşlığın perspektivli istiqamətlərindən biri hesab olunur.
Humanitar sahədə əməkdaşlığın genişləndirilməsi də görüşlərin mühüm mövzularından olub. Təhsil, elm, mədəniyyət, gənclər siyasəti və idman sahələrində imzalanan sənədlər xalqlar arasında əlaqələrin daha da möhkəmlənməsinə xidmət edir. Azərbaycan və Türkmənistan ortaq mədəni irsə malik xalqlar olaraq humanitar əlaqələrin inkişafını dövlətlərarası münasibətlərin vacib sütunlarından biri hesab edirlər.
Beynəlxalq təşkilatlar çərçivəsində əməkdaşlıq məsələləri də görüşlərdə geniş müzakirə olunub. Azərbaycan və Türkmənistan BMT, İqtisadi Əməkdaşlıq Təşkilatı, Qoşulmama Hərəkatı və digər beynəlxalq platformalarda bir-birinin mövqeyini dəstəkləyən ölkələr kimi çıxış edirlər. Bu qarşılıqlı dəstək beynəlxalq münasibətlər sistemində iki dövlət arasında formalaşmış yüksək siyasi etimadın göstəricisidir.
Prezident İlham Əliyev Türk dünyasında inteqrasiya proseslərinin əhəmiyyətini də xüsusi vurğulayıb. Qeyd olunub ki, Azərbaycan və Türkmənistan türk dövlətləri arasında həmrəyliyin möhkəmləndirilməsi, ortaq layihələrin həyata keçirilməsi və qarşılıqlı əməkdaşlığın dərinləşdirilməsi istiqamətində ardıcıl fəaliyyət göstərirlər. Türk xalqlarını birləşdirən ortaq tarix, dil və mədəniyyət gələcək əməkdaşlıq üçün möhkəm zəmin yaradır.
Müasir geosiyasi reallıqlar fonunda Azərbaycan–Türkmənistan münasibətlərinin inkişafı təkcə ikitərəfli əməkdaşlıq baxımından deyil, bütövlükdə Xəzər regionunda sabitliyin, təhlükəsizliyin və iqtisadi inkişafın təmin olunması baxımından da mühüm əhəmiyyət daşıyır. İki ölkə arasında formalaşmış etibarlı tərəfdaşlıq münasibətləri regional əməkdaşlığın genişlənməsinə və yeni iqtisadi imkanların yaranmasına şərait yaradır.
Türkmənistan Prezidenti Sərdar Berdiməhəmmədovun Azərbaycana dövlət səfəri bir daha göstərdi ki, Azərbaycan və Türkmənistan münasibətləri yüksələn xətt üzrə inkişaf edir və yeni məzmun qazanır. İmzalanan sənədlər, əldə olunan razılaşmalar və verilən siyasi mesajlar iki qardaş ölkənin gələcəkdə daha sıx əməkdaşlıq edəcəyindən xəbər verir. Qarşılıqlı etimada, dostluğa və strateji tərəfdaşlığa əsaslanan bu münasibətlər həm xalqlarımızın rifahına, həm də regionun davamlı inkişafına mühüm töhfələr verəcəkdir.
]]> admin Fri, 26 Jun 2026 00:15:38 +0400 http://102xeber.com/cemiyyet/7639-mhrrm-fiyev-azrbaycan-ordusu-dovlt-mustqilliyinin-v-milli-thluksizliyin-etibarl-qarant.html http://102xeber.com/cemiyyet/7639-mhrrm-fiyev-azrbaycan-ordusu-dovlt-mustqilliyinin-v-milli-thluksizliyin-etibarl-qarant.html ]]>

“Bərdə-Çörək” Açıq Səhmdar Cəmiyyətinin İdarə Heyətinin sədri, iqtisadiyyat üzrə fəlsəfə doktoru Məhərrəm Şəfiyev - Azərbaycan xalqının dövlətçilik tarixində mühüm yer tutan 26 İyun - Azərbaycan Respublikasının Silahlı Qüvvələri Günü ölkəmizin hərbi qüdrətinin, milli təhlükəsizliyinin və dövlət müstəqilliyinin əsas təminatçısı olan Ordumuzun şərəfinə qeyd edilir. Bu əlamətdar tarix Azərbaycan Silahlı Qüvvələrinin keçdiyi şərəfli inkişaf yolunu, əldə etdiyi möhtəşəm nailiyyətləri və Vətən uğrunda canından keçmiş qəhrəman oğul və qızlarımızın göstərdiyi misilsiz şücaəti özündə əks etdirir. Güclü dövlətin əsas dayaqlarından biri olan qüdrətli ordu müstəqilliyin qorunmasının, ərazi bütövlüyünün təmin edilməsinin və milli maraqların müdafiəsinin başlıca təminatçısıdır.
Müstəqil Azərbaycan dövlətinin hərbi qüdrətinin formalaşdırılması istiqamətində mühüm addımlar hələ Ulu Öndər Heydər Əliyevin 1969-cu ildə respublikaya rəhbərliyə başlamasından sonra atılmışdır. Məhz onun müstəsna xidmətləri sayəsində ölkəmizdə milli hərbi kadrların hazırlanması prosesinə xüsusi diqqət yetirilmiş, azərbaycanlı gənclərin keçmiş Sovet İttifaqının nüfuzlu hərbi məktəblərində təhsil alması üçün geniş imkanlar yaradılmışdır. 1971-ci ildə Cəmşid Naxçıvanski adına Hərbi Liseyin yaradılması milli hərbi kadr hazırlığı sahəsində mühüm hadisə olmuş, sonrakı dövrdə Azərbaycan Ordusunun peşəkar zabit korpusunun formalaşmasına böyük töhfə vermişdir. Ulu Öndərin uzaqgörən siyasəti nəticəsində yetişdirilən hərbi mütəxəssislər sonradan müstəqil Azərbaycanın Silahlı Qüvvələrinin qurulmasında mühüm rol oynamışlar.
1990-cı illərin əvvəllərində Azərbaycan dövlət müstəqilliyini bərpa etsə də, ölkədə hökm sürən siyasi qeyri-sabitlik, idarəetmədə yaranmış böhran və Ermənistanın hərbi təcavüzü dövlətçiliyimizi ciddi təhlükə qarşısında qoymuşdu. Hətta Azərbaycan müstəqilliyini itirmək təhlükəsi ilə üz-üzə qalmışdı. Orduda vahid komandanlığın olmaması, ayrı-ayrı silahlı dəstələrin fəaliyyəti və idarəetmədəki çatışmazlıqlar müdafiə qabiliyyətinə mənfi təsir göstərirdi. Belə bir mürəkkəb dövrdə xalqın təkidli tələbi ilə hakimiyyətə qayıdan Ulu Öndər Heydər Əliyev Azərbaycan Milli Ordusunun formalaşması prosesində yeni mərhələnin əsasını qoydu. Orduda vahid komandanlıq sistemi yaradıldı, nizami hərbi hissələrin təşkili sürətləndirildi, hərbi intizam möhkəmləndirildi və ordu quruculuğu dövlət siyasətinin əsas prioritetlərindən birinə çevrildi.
Azərbaycan Xalq Cümhuriyyətinin 1918-ci il 26 iyun tarixli qərarı ilə ilk nizami hərbi hissələrin yaradılması əsas götürülərək, Ulu Öndər Heydər Əliyevin 1998-ci il tarixli Fərmanı ilə 26 İyun Azərbaycan Respublikasının Silahlı Qüvvələri Günü elan edilmişdir. Bu tarix hər il ölkəmizdə böyük qürur hissi ilə qeyd olunur və Azərbaycan Ordusunun inkişafına verilən yüksək dəyərin təcəssümünə çevrilmişdir.
Müstəqillik illərində peşəkar kadr hazırlığı istiqamətində mühüm işlər görülmüş, hərbi təhsil sistemi müasir tələblərə uyğun təkmilləşdirilmişdir. Ordunun döyüş hazırlığının artırılması, hərbi qulluqçuların peşəkarlığının yüksəldilməsi və beynəlxalq təcrübənin öyrənilməsi istiqamətində ardıcıl tədbirlər həyata keçirilmişdir. Ordu quruculuğu prosesi beynəlxalq standartlara uyğunlaşdırılmış, müasir idarəetmə mexanizmləri tətbiq edilmiş, Silahlı Qüvvələrin döyüş hazırlığı keyfiyyətcə yeni mərhələyə yüksəlmişdir.
Prezident, Müzəffər Ali Baş Komandan İlham Əliyevin rəhbərliyi dövründə ordu quruculuğu məsələləri daim diqqət mərkəzində saxlanılmışdır. Silahlı Qüvvələrin maddi-texniki bazasının möhkəmləndirilməsi, ən müasir silah və texnikaların alınması, hərbi hissələrin yenidən qurulması və hərbi infrastrukturun müasirləşdirilməsi istiqamətində mühüm tədbirlər həyata keçirilmişdir. Effektiv ordu quruculuğu siyasətinin məntiqli nəticəsi olaraq Azərbaycan Ordusu regionun ən güclü ordularından birinə çevrilmişdir.
Müasir dövrün çağırışlarına uyğun olaraq qəbul edilmiş “Azərbaycan Respublikasının Silahlı Qüvvələri haqqında” Qanun Silahlı Qüvvələrin fəaliyyətinin hüquqi əsaslarını daha da möhkəmləndirmişdir. Hərbi idarəetmənin təkmilləşdirilməsi, döyüş hazırlığının yüksəldilməsi və hərbi xidmətin təşkili sahəsində həyata keçirilən islahatlar Ordunun peşəkarlığının artmasına mühüm töhfə vermişdir.
Ölkəmizdə hərbi sənaye kompleksinin inkişafına xüsusi diqqət yetirilmişdir. Müdafiə sənayesinin yaradılması və genişləndirilməsi nəticəsində müxtəlif təyinatlı hərbi məhsulların istehsalı təmin edilmiş, Ordunun müasir silah və texnika ilə təchizatı gücləndirilmişdir. Milli Ordunun müdafiə qüdrətinin və döyüş qabiliyyətinin artırılması, maddi-texniki təchizatının yaxşılaşdırılması daim dövlət siyasətinin əsas istiqamətlərindən biri olmuşdur.
Hərbi qulluqçuların sosial müdafiəsinin gücləndirilməsi də dövlətin daim diqqət mərkəzindədir. Hərbçilərin sosial rifahının yaxşılaşdırılması, mənzil təminatı, əməkhaqlarının artırılması, şəhid ailələri və müharibə veteranlarına göstərilən qayğı dövlətin sosial siyasətinin mühüm tərkib hissəsini təşkil edir.
Azərbaycan Ordusunun gücü və peşəkarlığı son illərdə əldə edilən hərbi uğurlarda özünü aydın şəkildə göstərmişdir. 2018-ci ildə Naxçıvan istiqamətində həyata keçirilən uğurlu əməliyyat nəticəsində əldə edilən Günnüt zəfəri Ordumuzun yüksək döyüş qabiliyyətinin və peşəkarlığının bariz nümunəsinə çevrilmişdir. Bu uğur sonradan qazanılacaq böyük qələbələrin müjdəçisi olmuşdur.
2020-ci il sentyabrın 27-də başlayan Vətən müharibəsində Prezident, Müzəffər Ali Baş Komandan İlham Əliyevin rəhbərliyi altında Azərbaycan Ordusu misilsiz qəhrəmanlıq göstərərək 44 gün ərzində tarixi Zəfər qazandı. İşğal altında olan torpaqlarımız azad edildi, Şuşa şəhərinin işğaldan azad olunması isə Qələbənin zirvəsi oldu. Azərbaycanın hərb tarixinə qızıl hərflərlə yazılan bu Qələbə xalqımızın iradəsini, Ordumuzun gücünü və dövlətimizin qüdrətini bütün dünyaya nümayiş etdirdi.
2020-ci il 10 noyabr tarixində imzalanmış üçtərəfli Bəyanat Ermənistanın məğlubiyyətini və Azərbaycanın tarixi Qələbəsini rəsmiləşdirdi. Bununla da ölkəmizin ərazi bütövlüyünün bərpası istiqamətində mühüm mərhələ uğurla başa çatdırıldı.
2023-cü ilin sentyabr ayında həyata keçirilmiş lokal xarakterli antiterror tədbirləri nəticəsində ölkəmizin suverenliyi tam təmin edildi. Cəmi bir gün davam edən əməliyyat zamanı qanunsuz silahlı birləşmələr zərərsizləşdirildi, separatizmə son qoyuldu və Azərbaycanın konstitusiya quruluşu bütün ərazilərində bərpa edildi. Bununla da dövlət suverenliyimizin tam bərpası təmin olunaraq müasir tariximizin yeni səhifəsi açıldı.
Son illərdə yaradılmış Komando Qüvvələri Ordunun döyüş qabiliyyətinin artırılması istiqamətində atılmış mühüm addımlardan biridir. Xüsusi hazırlıq keçmiş peşəkar hərbçilərdən ibarət olan bu qüvvələr müasir hərbi əməliyyatların tələblərinə cavab verən yüksək hazırlıq səviyyəsinə malikdir. Komando hərbi hissələrinin yaradılması və inkişafı Ordumuzun çevikliyini və döyüş imkanlarını daha da artırmışdır.
Azərbaycan dost və tərəfdaş dövlətlərlə hərbi əməkdaşlığın genişləndirilməsinə də xüsusi önəm verir. Milli maraqlar naminə həyata keçirilən hərbi əməkdaşlıq, birgə təlimlər və təcrübə mübadiləsi Ordumuzun peşəkarlığının yüksəldilməsinə mühüm töhfə verir. Xüsusilə qardaş Türkiyə ilə hərbi sahədə əməkdaşlıq və müttəfiqlik münasibətləri regionda sülhün və təhlükəsizliyin möhkəmləndirilməsinə xidmət edir.
Bu gün Azərbaycan Ordusu xalqımızın qürur mənbəyi, dövlətimizin müstəqilliyinin, ərazi bütövlüyünün və suverenliyinin etibarlı təminatçısıdır. Ulu Öndər Heydər Əliyevin əsasını qoyduğu ordu quruculuğu siyasəti Prezident, Müzəffər Ali Baş Komandan İlham Əliyev tərəfindən uğurla davam etdirilərək Azərbaycan Silahlı Qüvvələrini dünyanın ən güclü və peşəkar ordularından birinə çevirmişdir. Azərbaycan əsgəri öz qəhrəmanlığı, vətənpərvərliyi və fədakarlığı ilə hər zaman xalqımızın qürur mənbəyi olmuşdur.]]> admin Fri, 26 Jun 2026 00:11:53 +0400 http://102xeber.com/siyaset/7638-rovn-ramazanov-ordumuzun-qazand-zfrlr-yeni-reallqlar-yaradb.html http://102xeber.com/siyaset/7638-rovn-ramazanov-ordumuzun-qazand-zfrlr-yeni-reallqlar-yaradb.html
]]>

26 İyun – Azərbaycan Respublikasının Silahlı Qüvvələri Günü müstəqil dövlətçiliyimizin ən mühüm dayaqlarından biri olan Milli Ordumuzun keçdiyi şərəfli inkişaf yoluna nəzər salmaq üçün mühüm fürsətdir. Bu gün Azərbaycan Ordusunun əldə etdiyi nailiyyətlərin əsasında uzun illər ərzində həyata keçirilmiş məqsədyönlü dövlət siyasəti, peşəkar hərbi kadr hazırlığı və güclü rəhbərlik dayanır.
Azərbaycanda milli hərbi kadrların hazırlanması istiqamətində sistemli fəaliyyətin əsası Ulu Öndər Heydər Əliyevin respublikaya rəhbərlik etdiyi dövrdə qoyulub. 1969-cu ildən başlayaraq həyata keçirilən siyasət nəticəsində azərbaycanlı gənclərin hərbi təhsil almasına geniş imkanlar yaradıldı. Bu istiqamətdə ən mühüm addımlardan biri 1971-ci ildə Cəmşid Naxçıvanski adına hərbi liseyin yaradılması oldu. Həmin təhsil ocağı sonrakı onilliklər ərzində minlərlə peşəkar zabitin yetişməsinə, hərb sənətinə marağın artmasına və milli zabit korpusunun formalaşmasına mühüm töhfə verdi. Eyni zamanda, azərbaycanlı gənclərin SSRİ-nin nüfuzlu hərbi məktəblərində təhsil almasına yaradılan şərait gələcək müstəqil Azərbaycanın hərbi potensialının formalaşmasında mühüm rol oynadı.
Müstəqilliyin ilk illərində ölkədə hökm sürən siyasi böhran, daxili qarşıdurmalar və nizami ordunun olmaması dövlətçiliyi ciddi təhlükə qarşısında qoymuşdu. 1993-cü ildə xalqın tələbi ilə hakimiyyətə qayıdan Ulu Öndər Heydər Əliyev qısa müddətdə silahlı dəstələrin ləğvinə nail oldu, vahid komandanlıq prinsipi əsasında nizami ordu quruculuğu prosesinə başladı. 1994-cü ildə əldə olunan atəşkəsdən sonra isə Silahlı Qüvvələrin maddi-texniki bazasının möhkəmləndirilməsi, şəxsi heyətin peşəkarlığının artırılması və döyüş hazırlığının yüksəldilməsi dövlət siyasətinin prioritet istiqamətlərindən birinə çevrildi.
Ordu quruculuğunun mühüm istiqamətlərindən biri də hərbi təhsil sisteminin inkişafı idi. Hərbi Akademiyanın yaradılması, hərbi məktəblərin yenidən təşkili və milli kadr ehtiyatının formalaşdırılması Azərbaycanın müasir Silahlı Qüvvələrinin əsas sütunlarından birinə çevrildi. Eyni zamanda, NATO ilə əməkdaşlıq çərçivəsində həyata keçirilən proqramlar ordumuzun beynəlxalq standartlara uyğunlaşmasına və müasir idarəetmə prinsiplərinin tətbiqinə imkan yaratdı.
Prezident İlham Əliyevin rəhbərliyi dövründə isə ordu quruculuğu keyfiyyətcə yeni mərhələyə qədəm qoydu. Ulu Öndərin müəyyən etdiyi strateji kurs ardıcıl şəkildə inkişaf etdirildi, Silahlı Qüvvələr ən müasir silah və texnika ilə təchiz olundu, hərbi təlimlərin miqyası genişləndirildi, şəxsi heyətin peşəkarlığının artırılması istiqamətində mühüm addımlar atıldı. Dövlət başçısının xüsusi diqqəti nəticəsində Azərbaycan Ordusu regionun ən güclü hərbi qüvvəsinə çevrildi.
Bu siyasətin nəticələri ilk növbədə 2016-cı ilin Aprel döyüşlərində və 2018-ci ilin Günnüt əməliyyatında özünü göstərdi. Həmin uğurlar Azərbaycan Ordusunun döyüş qabiliyyətinin, peşəkarlığının və yüksək mənəvi ruhunun göstəricisi oldu. Nəhayət, 2020-ci ildə Müzəffər Ali Baş Komandan İlham Əliyevin rəhbərliyi altında Azərbaycan Ordusu 44 günlük Vətən müharibəsində tarixi Qələbə qazanaraq ölkəmizin ərazi bütövlüyünü bərpa etdi. Bu Zəfər uzun illər ərzində həyata keçirilən məqsədyönlü ordu quruculuğu siyasətinin məntiqi nəticəsi idi.
Bu gün Azərbaycan Silahlı Qüvvələri yalnız ölkənin təhlükəsizliyinin təminatçısı deyil, həm də dövlətimizin gücünün, xalqımızın birliyinin və milli iradəsinin rəmzidir. 26 İyun Silahlı Qüvvələr Günü münasibətilə Ordumuzun keçdiyi şərəfli yol bir daha göstərir ki, güclü dövlətin ən etibarlı dayaqlarından biri məhz güclü və peşəkar ordudur.

]]> admin Fri, 26 Jun 2026 00:08:51 +0400 http://102xeber.com/siyaset/7637-knan-mullim-yeni-tbbuslr-geni-imkanlar-v-real-nticlr.html http://102xeber.com/siyaset/7637-knan-mullim-yeni-tbbuslr-geni-imkanlar-v-real-nticlr.html
]]>

2026-cı il iyunun 22-də Türkmənistan Prezidenti Sərdar Berdiməhəmmədovun Azərbaycana rəsmi səfəri çərçivəsində Azərbaycan Respublikasının Prezidenti İlham Əliyevin mətbuata verdiyi bəyanat iki qardaş və dost ölkə arasında münasibətlərin yüksək səviyyədə inkişaf etdiyini bir daha nümayiş etdirdi. Dövlət başçısının vurğuladığı kimi, Azərbaycan-Türkmənistan əlaqələri möhkəm təməl üzərində – ortaq tarix, zəngin mədəni irs, dil yaxınlığı və mənəvi dəyərlər əsasında qurulub.
Azərbaycan və Türkmənistan xalqları əsrlər boyu eyni coğrafiyanın, eyni sivilizasiya məkanının ayrılmaz hissəsi olmuşlar. Ortaq etnik köklər, türk dünyasına mənsubluq, adət-ənənələrimizin və milli dəyərlərimizin yaxınlığı ölkələrimiz arasında münasibətlərin inkişafında mühüm rol oynayır. Bu tarixi bağlılıq müasir dövrdə dövlətlərarası əməkdaşlığın etibarlı dayağına çevrilib.
Prezident İlham Əliyevin bəyanatında qeyd olunduğu kimi, son illər ərzində Azərbaycan-Türkmənistan münasibətləri bütün istiqamətlər üzrə dinamik inkişaf edir. Siyasi dialoqun intensivləşməsi, qarşılıqlı səfərlərin artması, beynəlxalq təşkilatlar çərçivəsində uğurlu əməkdaşlıq ölkələrimizin strateji tərəfdaşlığını daha da gücləndirir. Dövlət başçıları arasında formalaşmış səmimi münasibətlər və qarşılıqlı etimad əlaqələrin inkişafına əlavə təkan verir.
Xüsusilə enerji sahəsində əməkdaşlıq Azərbaycan və Türkmənistan üçün mühüm əhəmiyyət daşıyır. Xəzər dənizinin zəngin enerji ehtiyatlarına malik olan hər iki ölkə regional və qlobal enerji təhlükəsizliyinin təmin edilməsində mühüm rol oynayır. Son illərdə nəqliyyat-logistika, ticarət, sənaye, kənd təsərrüfatı və humanitar sahələrdə də əməkdaşlığın genişlənməsi əlaqələrin çoxşaxəli xarakter aldığını göstərir.
Mədəni-humanitar əlaqələr isə xalqlarımız arasında dostluğun ən möhkəm körpüsüdür. Azərbaycan və Türkmənistanın elm, təhsil, ədəbiyyat və incəsənət xadimləri arasında əlaqələrin inkişafı ortaq mədəni irsin qorunmasına və gələcək nəsillərə ötürülməsinə xidmət edir. Türk dünyasının görkəmli şəxsiyyətlərinin irsinin təbliği, ortaq tədbirlərin keçirilməsi və gənclər arasında əməkdaşlığın genişləndirilməsi xalqlarımızı daha da yaxınlaşdırır.
Bu gün Türk Dövlətləri Təşkilatı çərçivəsində həyata keçirilən əməkdaşlıq da Azərbaycan-Türkmənistan münasibətlərinə yeni məzmun qazandırır. Türk dünyasının həmrəyliyinin möhkəmləndirilməsi, iqtisadi və siyasi inteqrasiyanın genişləndirilməsi istiqamətində görülən işlər ölkələrimizin ortaq maraqlarına xidmət edir.
Prezident İlham Əliyevin mətbuata bəyanatında səsləndirdiyi fikirlər bir daha göstərir ki, Azərbaycan və Türkmənistan arasında münasibətlər müvəqqəti maraqlara deyil, əsrlərin sınağından çıxmış tarixi dostluğa, mədəni yaxınlığa və mənəvi dəyərlərə əsaslanır. Məhz bu möhkəm təməl gələcək illərdə də əməkdaşlığın daha da genişlənməsini, xalqlarımızın rifahına və regionda sabitliyin möhkəmlənməsinə xidmət edən yeni layihələrin həyata keçirilməsini təmin edəcəkdir.

]]> admin Fri, 26 Jun 2026 00:06:40 +0400